Այսօր՝ ապրիլի 9-ին, Կառավարությունը հրաժարական կներկայացնի, ՀՀ 4-րդ նախագահ ընտրված Արմեն Սարգսյանը կստանձնի իր լիազորությունները և գործող նախագահ Սերժ Սարգսյանի լիազորությունները կավարտվեն: Նոր կառավարության ձևավորման ավարտի հնարավոր ժամկետը մայիսի 1-10-ն է: Կառավարությունը կունենա առաջին փոխվարչապետ, 2 փոխվարչապետ և 18 նախարար:
Ապրիլի 9-16-ի ընթացքում ԱԺ խմբակցությունները պետք է ներկայացնեն վարչապետի իրենց թեկնածուներին՝ նոր կառավարություն ձևավորելու համար:
Թեկնածուներ առաջադրելուց հետո Խորհրդարանը նիստի ժամանակ վարչապետ կընտրի: Վարչապետի ընտրությունը բաց քվեարկությամբ կիրականացվի։
