Ազգային ժողովն այսօր քվեարկել է երեկ քննարկած հարցերն ու ավատել արտահերթ նիստի աշխատանքը: Ընդունվել են կառավարության ներկայացրած բոլոր 12 օրենսդրական փաթեթները: Դրանցից առանցքայինը կառավարության փոփոխված կառուցվածքն ու գործունեության նոր կարգը սահմանող օրենսդրական փաթեթն էր, որին ընդդիմադիր խմբակցությունները դեմ են քվեարակել:
Այն ուժի մեջ է մտնելու հանրապետության նախագահի կողմից իր պաշտոնի ստանձնման օրը՝ ապրիլի 9-ին: Նոր կառավարությունը կազմված է լինելու վարչապետից, առաջին փոխվարչապետից, 2 փոխվարչապետներից, նախարարներից: Նախարարությունները նոր օրենքով 17-ն են՝ այսօր դեռևս գործող 18-ի փոխարեն:
Ընդդիմադիր երկու խմբակցությունները դեմ են քվեարկել նաև «Հանրաքվեի մասին» օրենքին, բայց այս քվերաությունը հարթ չի ընթացել:
12 օրենսդրական փաթեթներից հատկապես մեկի քվեարկությունն այսօր խորհրդարանական ծանոթ վեճի առիթ դարձավ. ներկաները միայն իրե՞նց, թե՞ նաև բացակա գործընկերների փոխարեն են քվեարկում:
«Ըստ տաբլոյի՝ վերջին շարքում բոլորը քվեարկել են, բայց այդ շարքում ոչ բոլորն են ներկա: «Հանրաքվերի մասին» օրենքը սահմանադրական օրենք է»:
Սահմանադրական օրենքի ընդունման համար անհրաժեշտ է պատգամավորների 3/5-ի կողմ քվեարկությունը, այսինքն ՝ 63 ձայն: «Հանրաքվեի մասին» օրինագծի քվեարկությունից հետո լուսատախտակին հայտնվեցին 61 կողմ թիվն ու «որոշումը չի ընդունվել» ձևակերպումը: Իրավիճակը փրկեց օրենսդրական այն նոր կարգավորումը, ըստ որի՝ գործուղման մեջ գտնվող պատգամավորները հեռակա կարգով կարող են մասնակցել քվեարկությունը:
«61 պատգամավոր կողմ է քվեարկել, պլյուս 3-ը, որ գործուղման մեջ են»,-պարզաբանեց Արա Բաբլոյանը:
«Ելք»-ը շարունակում էր կարծել, որ քվեարկության արդյունքները հավաստի չեն, խորհրդարանական մեծամասնությունը՝ պնդել, որ ամեն ինչ օրինական է:
«Այս մի փոքրիկ դահլիճում դուք կարողանո՞ւմ եք բացառել ընտրակեղծարարությունը, թե՞ ոչ: Որերորդ անգամ բախվում ենք այս խնդրին, երբ մեկը մյուսի փոխարեն է քվեարկում: Մի մտածեք, որ լղոզելով անցնելու է: Կարողանում եք, ապահովեք ձեր պատգամավորների քանակը, եթե ոչ, մի՛ արեք»:
«Երբ պատգամավորները դուրս եկան, դուք նոր արձագանքեցիք: Բայց նախքան այդ, երկու անգամ նայեցիք»:
«Հանրաքվեի մասին» օրենքը 12 սահմանադրական օրենքներից մեկն, է որոնց ընդունման պահանջը դրված է Սահմանադրությամբ: Նոր օրինագիծը էական փոփոխություններ է առաջարկում հանրաքվեի ինստիտուտում:
Փոփոխություններից հիմնականը. որևէ հարցի նախագիծ հանրաքվեի դնելու նախաձեռնության իրավունք ունեն պատգամավորների մեկ երրորդը, կառավարությունը, նաև՝ ընտրական իրավունք ունեցող առնվազն 200.000 քաղաքացի: Վերջինը նորամուծություն է, որը իշխանության հիմնավորմամբ՝ քաղաքացիական մասնակցությունը ընդլայնող հնարավորություն է, ընդդիմության կարծիքով՝ մեր իրողություններում դժվար կամ իրացնելու առումով գրեթե անհնարին հնարավորություն:
Նախագիծը սահմանում է նաև, թե որ հարցերը կարող է կամ պետք է դրվեն հանրաքվեի: Սահմանադրությունից ու օրենքի նախագծերից բացի՝ հանչավքեի կարող են դրվել նաև միջազգային կազմակերպություններին մեր երկրի անդամակցությանը, ինչպես նաեւ Հայաստանի Հանրապետության տարածքի փոփոխությանը վերաբերող հարցերը:
