Եվրոպական իրավաբանական ծառայությունն այսօր բաց դռների օր է հայտարարել: Ծառայության մասնագետներն անվճար իրավաբանական խորհրդատվություն են տրամադրել քաղաքացիներին:
Ծառայության գրասենյակում այսօր եղել է նաև իմ գործընկերը ու փորձել հասկանալ ՝ ինչ հարցերով են դիմում քաղաքացիներն իրավաբաններին ու ինչ են ակնկալում նրանցից:
Եվրոպական իրավաբանական ծառայություն կամ իրավաբան 24: Կազմակերպության անդամներն ասում են Հայաստանում նոր բնույթի իրավաբանական ծառայություն են առաջարկում: Հիմնականում խորհրդատվություն, որը, սակայն, հասանելի է տարվա մեջ 365 օր, օրական՝ 24 ժամ:
Շուրջօրյա հեռակա իրավաբանական ծառայությունը տրամադրվում է հավաստագրերի հիման վրա, որոնք քաղաքացիները ձեռք են բերում իրավաբանական խորհրդատվություն ստանալու համար:
«Մեր առաջնային նպատակը քաղաքացիներին օգնելն է, որ ոչ միայն իրազեկված լինեն իրենց իրավունքների մասին, այլ նաև կարողանան լիարժեքորեն պաշտպանել իրենց իրավունքները»:
Կազմակերպության իրավաբաններից Էրիկ Ալեքսանյանն ասում է ՝ հավաստագրերը տարբեր փաթեթներ են ներկայացնում՝ ըստ ներառած ծառայությունների քանակի ու որակի:
«Հիմնականը խորհրդատվության տրամադրումն է, բայց բացի դրանից տրամադրում ենք այլ ծառայություններ՝ հայցադիմումների, բողոքների կազմումից մինչև դատարանում քաղաքացիների ծահերի պաշտպանություն»:
Կազմակերպությունն այսօր բաց դռների օր էր հայտարարել՝ որոշելով տրամադրել անվճար իրավաբանական խորհրդատվություն: Ծառայության մասնագետներին այսօր կարող էին դիմել այն քաղաքացիները, որոնք կազմակերպության հավաստագրեր ձեռք չեն բերել, բայց այս կամ այն խնդորվ իրավաբանական օգնության կարիք ունեն: Նրանցից մեկն, օրինակ, Արմենն էր, ում հետ զրուցեցի գասենյակից դուրս գալիս:
«Խորհրդատվության մասին պատահական իմացա, ընկերներիցս մեկը խորհուրդ տվեց, գիտեր, որ ինձ խորհրդատվություն է անհրաժեշտ որոշակի հարցերով: Լավ միջոց էր, քանի որ ես պատկերացում կազմեցի, թե ինչպես են աշխատում»:
Կազմակերպության մասնագետներն ասում են՝ մարդիկ իրենց դիմում են տարաբնույթ հարցերով ՝ թե քաղաքացիական, թե վարչական , թե քրեական իրավունքի խնդիրներով: Ընդհանուրի մեջ քաղաքացիական գործերի մասնաբաժինն ավելի մեծ է ՝ ասում է ծառայության բանկային իրավունքի և պայմանագրային հարաբերությունների բաժնի ղեկավար Իրինա Դանիելյանը:
«Քաղաքացի- բանկ հարաբերություններում խնդիրները շատ են, քանի որ ամեն քաղաքացի գոնե մեկ բանկի հետ առնչություն ունի: շատ են դիմում նաև ԴԱՀԿ-ի հետ կապված հարցերով»:
Իսկ քրեական իրավունքի մասով կազմակերպության երկամյա գործունեությունը բերել է այն եզրահանգման, որ ավելացել են անչափահասների մասնակցությամբ հանցագործությունները , կամ եթե անգամ վիճակագրորեն դրանք չեն ավելացել, ապա մարդիկ սկսել են ավելի հաճախ խորհրդատվության կարիք ունենանլ հենց այդ հարցերով:
Իրավաբանների խորհրդատվությունը սկսել է ավելի շատ պետք գալ նաև ընտանեկլան հարցերը պարզաբանելիս: Կազմակերպության մասնագետներն ասում են, որ ըստ իրենց վիճակագրության, մարդիկ սկսել են ավելի հաճախ դիմել իրավաբաններին ՝ ամուսնալուծությունների, երեխաների խնամքի ու ալիմենտային պարտավորությունների վեճերը լուծելիս:
