Մեր ժամանակի լավագույն ջութակահար Նիկոլայ Մադոյանի՝ Գինեսի ռեկորդակիր դառնալու առաջին փորձերը սկսվել են դեռևս 2014 թվականի փետրվարին՝ Պագանինիի 6 կոնցերտները 3 ժամ 25 րոպեում ներկայացնելով։
Սակայն մինչ օրս Գինեսի համաշխարհային գրասենյակը նրան չեն պատասխանել։
Այս տարվա փետրվարին Մադոյանը եւս մեկ նման փորձ կատարեց՝ հաղթահարելով հնդիկ ջութակահար Աթիտա Կրիշնայի 2003- ի ռեկորդը։
Գինեսի համաշխարհային գրասենյակը ճանաչեց մեր ժամանակների լավագույն ջութակահար Նիկոլայ Մադոյանի ռեկորդը։ Այն գրանցվել է ռեկորդը սահմանելուց 5 ամիս անց։ Փետրվարին Կոմիտասի անվան կամերային երաժշտության տանը Մադոյանը 33 ժամում 5 րոպեանոց դադարներով նվագել է համաշխարհային դասականների 59 ստեղծագործություն։ Գինեսի գրասենյակը ոչ միայն պաշտոնապես ճանաչել է ռեկորդը, ավելին փաստել՝ ստացել են էսթետիկական հաճույք:
Այս ռեկորդի նոմինացիան հիանալի հնարավորություն ստեղծեց ինձ համար, իմ տարբեր նպատակները, գաղափարները կյանքի կոչելու համար: Ժամը մեկ 5 րոպեի դադարի իրավունք ունեի, հաց էլ չեմ կերել:
40-ից ավել ձայնասկավառակ թողարկած Մադոյանը փորձել է նաև այդ ստեղծագործությունը նվագել անգիր։ Համաշխարհային ժյուրին նրա կատարումը գնահատել է անթերի:
«Ես հասկացա,որ մարդու հիշողության տարածքն անսահմանափակ է»:
Անվանի ջութակահարն իր ռեկորդը նվիրել է Արցախյան հերոսամարտում զոհվածների հիշատակին։
Ռեկորդն ունեցել է նաև գիտական նպատակ: Երաժշտական թերապիայի ասպարեզում օգտագործելու են Նիկոլայի ստեղծագործությունները, որոնք ձայնագրվել են օրվա տարբեր ժամերին: «Դյուցազնագիր» գրքի հեղինակ Վարդան Թովմասյանն էլ իր հերթին նշեց, որ Երևանում ամիսներ առաջ սահմանված երաժշտական ռեկորդը գրանցվելու է նաև իր հեղինակած գրքի երրորդ հատորում:
Նիկոլայի առաջիկա ծրագրերում է սիմֆոնիկ նվագախմբի հետ հյուրախաղերը Իտալիայում։ Ծրագրում կհնչի նաեւ հայկական երաժշտություն։
