Հաշմանդամություն ունեցող երկվորյակ եղբայրները ցանկանում եմ ճանաչում ձեռք բերել: Նպատակին հասնելու համար շատ են աշխատում:
Զարգացնում եմ կարողություններն ու հմտությունները: Ուժերը փորձում նորագույն տեխնոլոգիաների ոլորտում: Ալիկ և Ավետիս Հոխանյաններն ապրում են Վրդենիսում:
Ավիկը ֆուտբոլի մեծ երկրպագու է և ուզում է հանդիպել Հենրիխ Մխիթարյանի հետ:
Վարդենիսցի երկվորյակ եղբայրներին լավ են ճանաչում, բայց դժվարանում են տարբերել՝ ով է Ալիկը, ով՝ Ավետիսը: 17-ամյա տղաներին դա երբեմն զվարճացնում է, միանման են հագնվում ու դուրս գալիս: Սակայն մեր հանդիպման ժամանակ բացառություն էին արել և փոխել վերնաշապիկները:
Տղաները կենսուրախ են, հումորի զգացումով լի: Սոցիալական հարթակում էլ վարում են ֆեյսբուքյան նույն էջը, միասին հաղորդակցվում օգտատերերի հետ: Նրանք միմյանցից գաղտնիքներ չունեն, կատակում են՝ ամուսնանալու են երկվորյակ աղջիկների հետ, որպեսզի մարդիկ չկարողանան տարբերել, թե ով ում բարեկամն է: Ալիկն ու Ավիկը նույնն երազանքն ունեն՝ լինել հանրային դեմք , բայց հետաքրքրություններն են տարբեր: Ալիկը ցանկանում է լրագրող դառնալ:
Ալիկ Հոխանյանը նաև հետաքրքրված է միջազգային քաղաքականությամբ, հետևում է աշխարհաքաղաքական զարգացումներին, հակամարտությունների ընթացքին: Միջազագային քաղաքական առոջնորդներից նա նախապատվությունը տալիս է Ամերիկայի նախագահ Դոնալդ Թրամփին, բնորոշում է՝ կոշտ, կոպիտ, իր ասածին տեր մարդ է:
Ավետիս Հոխանյանի ամենասիրելի զբաղմունքը ֆուտբոլն է, ցանկանում է սպորտային մեկնաբան դառնալ: Ֆուտբոլային խաղերի ժամանակ նա համակրգչով առանձնանում է ու սկսում մեկնաբանել:
Ավիկը Բարսելոնայի երկրպագուն է, իսկ Ալիկը՝ Ռեալի: Ռեալ Մադրիդ ու Բարսելոնա խաղերը եղբայրներին վիճելու առիթ են տալիս: Ալիկն անկեղծանում է՝ ֆուտբոլով այնքան էլ հետաքրքրված չէ, բայց իր քայլերը միտումնավոր են ու խորամանկորեն ժպտում է:
Մանկական ուղեղային կաթված, այսպիսին է տղաների հիվանդության ախտորոշումը ծնված օրվանից, սակայն պարբերաբար իրականացվող վերականգնողական թերապիան շատ բան է փոխել տղաների կյանքում: Նույնիսկ հեռավորությունը չի խոչընդոտել նպատակների իրականացմանը: Վերականգնողական թերապիան անցել են մայրաքաղաքում: Մելանյա տատիկն ամենուր եղել է տղաների կողքին:
17 տարվա հետևողական աշխատանքը ցանկալի արդյունք է տվել: Ալիկն ու Ավիկը վերականգնողական թերապիան հիմա շարունակում են Վարդենիսի ,,Աստղավարդ,, հաշմանդամ երեխաների ծնողների հասարակական կազմակերպությունում, որի հիմնադիրը տատիկն է՝ Մելանյա Եփրեմյանը: Հիմա Քայլում են առանց հենակների, դժվարանում են աստիճանները բարձրանալուց, դժգոհում՝ Վարդենիսի անբարեկարգ ճանապարհներից: Իրենք էլ են ցանկանում դուրս գալ, զբոսնել, շփվել տարբեր մարդկանց հետ:
Ալիկն ու Ավիկը հիմա սովորում են Վարդենիսի պետական քոլեջում «Հաշվողական տեխնիկայի և ավտոմատացված համակարգերի ծրագրային ապահովում» բաժնում: Տղաներն իրենց ուժերը փորձում են նաև այս ոլորտում: Ցանկանում են, որ Վարդենիսում էլ բացվի Թումո ստեղծարար տեխնոլոգիաների կենտրոն,որտեղ հնարավորություն կունենան զբաղվելու ռոբոտաշինությամբ և զարգացնելու հմտությունները: Քոլեջում սկզբում ստացել են համակարգչային նախնական կրթություն , այժմ ՝ միջին մասնագիտական: Քոլեջի տնօրեն Արամ կարապետյանն ու դասավանդող մասնագետները գոհ են նրանցից:
17-ամյա երկվորյակ եղբայրների հետաքրքրությունների շրջանակն ընդլայվում է: Ավիկն ու Ալիկը Վարդենիսի վերականգնողական կենտրոնի կամավորներից են: Առաջիկայում նոր ծրագրեր ունեն: Վարդենիսում ցերեկային ներառական կենտրոն բացվելու դեպքում տղաները սովորելու են լուսանկարչական ու օպերատորկան գործը, որպեսզի կարողանան վերականգնողական թերապիայի դասերը նկարահանել ու բաժանել ծնողներին ՝ հաշմանդամություն ունեցող երեխաների տնային պարապմունքների համար:
Ապագան առջևում է, և կգա այն օրը, երբ տղաների թաքնված երազանքը կիրականանա, կդառնան հանրային դեմք:
