Հայաստանը կարեւոր դեր ունի տարածաշրջանային անվտանգության ապահովման հարցում` ասել է Իրանի Մեջլիսի նախագահ Աի Լարիջանին՝ ՀՀ ԱԺ նախագահ Արա Բաբլոյանի հետ այսօր կայացած հանդիպման ժամանակ։
Հանդիպումը տեղի է ունեցել Սանկտ Պետերբուրգում։
Կողմերը նշել են, որ հայ-իրանական հարաբերությունները գտնվում են բարձր մակարդակի վրա եւ շարունակում են զարգանալ փոխվստահության մթնոլորտում, ինչին նպաստում է նաեւ խորհրդարանական համագործակցությունը:
Զրուցակիցներն ընդգծել են, որ Հայաստանն Իրանի համար կայուն գործընկեր է: Երկու երկրների խորհրդարանների ղեկավարները կարեւորել են, որ պատգամավորական բարեկամական խմբերն ակտիվ աշխատում են. առաջիկայում կլինեն փոխայցեր:
Խորհրդարանների ղեկավարները անդրադարձել են քաղաքական եւ տնտեսական հարաբերությունների զարգացմանն առնչվող հարցերի:
