Անի Մինասյան
«Ռադիոլուր»
Ճարտարապետներն իրենց մասնագիտական տոնի առթիվ մրցանակներ ստացան մի քանի օր ուշացումով:
Միջոցառումը կազմակերպվել էր այսօր և օրվա առիթով կազմակերպված միջոցառմանը մրցանակներ ստացան բացառապես ավագ սերնդի ճարտարապետներ:
Միջոցառմանը մասնակցել են Քաղաքաշինության կոմիտեի նախագահն ու Երևանի քաղաքապետը:
Արդյո՞ք ստվերում չեն երիտասարդ ու նոր խոսքով ճարտարապետները և որտե՞ղ են հայկական ժամանակակից ճարտարապետական կառույցները:
Գերակտիվ ու գործունյա. 26- ամյա Տարոն Ազատյանը երիտասարդ ճարտարապետի օրինակ է:
Այսօրվա միջոցառմանը մրցանակներ ստացան բացառապես ավագ սերնդի ճարտարապետներ: Դեռ երիտասարդ է մրցանակներ ստանալու համար՝ ասում է, իր մասնագիտությունը հասունություն է սիրում:
ԵՊՀ Ճարտարապետության բաժնի 1928 թվականին առաջին շրջանավարտները չոթն էին, յոթն էլ տղաներ։ Նրանցից յուրաքանչյուրն իր յուրովի ձեռագիրը թողեց հայկական ճարտարապետության պատմության մեջ:
Երկար տարիներ այս ֆակուլտետի դռները բացում էին մեծամասամբ տղաները, այսօր արդեն տղաներին հավասար քայլում են նաև աղջիկները:
Ճարտարապետ Անահիտ Թարխանյանի համար անընդունելի են այս տարբերությունները։ Ավելին, ասում է՝ կանայք շատ հարցերում ավելի նրբանկատ են, ինչպես կյանքում:
Արդի ճարտարապետությունն այսօր իր թրենդներն է թելադրում, բայց, երիտասարդ ճարտարապետ Տարոն Ազատյանի կարծիքով, Հայաստանում մոդեռն ճարտարապետության մեկ շենք անգամ չի կառուցվել:
1992-ին Իրանից Հայաստան եկավ Արմեն Մինասյանն ու արդեն 27 տարի ապրում ու աշխատում է հայրենիքում: Ճարտարապետի համար այդպիսի շենքեր կան:
Ճարտարապետի օրվա առիթով շնորհակալագիր ստացավ նաև Հանրային ռադիոյի գործադիր տնօրեն Մարկ Գրիգորյանը: Ասում է՝ մի տեսակ անհարմար է զգում: Այսօր մրցանակներ պիտի ստանային բացառապես ճարտարապետները:
Քաղաքաշինության ոլորտում ներդրած նշանակալի ավանդի համար և Ճարտարապետի օրվա կապակցությամբ ՀՀ վարչապետի շնորհակալագրերով պարգևատրվեցին մի շարք ճարտարապետներ: Հուշամեդալներ հանձնեց նաև Երևանի քաղաքապետ Տարոն Մարգարյանը:
