Այսօր մեկնարկեց Ազգային Ժողովի աշնանային նստաշրջանը։ ԱԺ նախագահ Արա Բաբլոյանը ներկայացրեց ԱԺ 6-րդ գումարման 2-րդ նստաշրջանի օրակարգը: Ըստ այդմ՝ օրակարգի նախագծի առաջին բաժնի օրակարգում ընդգրկված հարցեր չկան:
«Այս բաժնում պետք է ներառվեին նախորդ հերթական նստաշրջանի օրակարգում ընդգրկված, ինչպես նաև պարտադիր քննարկման ենթակա հարցերը: Երկրորդ բաժնում այն հարցերն են, որոնց վերաբերյալ գլխադասային հանձնաժողովները ներկայացրել են դրական եզրակացություն: Դրանք 57-ն են, որոնք ընդգրկվում են 6-րդ գումարման 2-րդ նստաշրջանի օրակարգ՝ առանց քվեարկության: 3-րդ բաժնում ընդգրկված հարցեր չկան: Այս բաժնում պետք է ներառվեն այն հարցերը, որոնց վերաբերյալ գլխադասային հանձնաժողովները բացասական եզրակացություն են տվել ամ կանոնակարգով սահմանված ժամկետում եզրակացություն չեն ներկայացրել»,- ասաց ԱԺ նախագահը:
