Ռիոյի օլիմպիական խաղերի փոխչեմպիոն հունահռոմեական ոճի ըմբիշ Միհրան Հարությունյանը տեղափոխվում է MMA։ Այս մասին հայտնել է «Dominance MMA Management»-ի ներկայացուցիչ Ռիզվան Մագոմեդովը։
«Միհրան Հարությունյանը տեղափոխվում է MMA։ Կասկած չունեմ, որ նա մեծ հաջողությունների կհասնի այս մարզաձևում։ Մենք համագործակցության համաձայնության ենք եկել և բոլոր ջանքերը կներդնենք՝ բարձր արդյունքների հասնելու համար»,- նշել է Մագոմեդովը։
Միհրան Հարությունյանը, պատասխանելով մտահոգ երկրպագուների մեկնաբանություններին, նշել է, որ ինքը չի հեռանում ըմբշամարտի Հայաստանի հավաքականից և մասնակցելու է Տոկիոյի` 2020 թվականի ամառային օլիմպիական խաղերին:
