ՌԴ ԱԳՆ-ն Ադրբեջանից պահանջում է դադարեցնել խտրականությունը հայկական ծագումով ՌԴ քաղաքացիների նկատմամբ։ Այս մասին հայտնում է Interfax-ը։
ԱԳՆ ներկայացուցիչների խոսքով՝ հայկական ազգանունով, անունով ու հայրանունով ռուսաստանցիները Բաքվի օդանավակայնում սովորականից ավելի երկար են պահվում, որից հետո իրենց հաշվին հետ են ուղարկում։
ԱԳՆ-ում նման պրակտիկան անվանել են «երկու երկրների բարեկամական հարաբերությունների հետ անհամատեղելի»՝ հավելելով, որ ելնելով էթնիկ պատկանելությունից՝ տարեսկզբից ՌԴ 25 քաղաքացու թույլ չեն տվել մուտք գործել Ադրբեջան։
