Արցախում ներկայումս ուսումնասիրվում և հաշվարկվում է առաջնագիծը մշտապես խմելու ջրով ապահովելու հարցը: Այս մասին իր ֆեյսբուքյան էջում գրում է Արցախի նախագահ Բակո Սահակյանի խորհրդական Տիգրան Աբրահամյանը՝ նշելով, որ առաջիկայում բանակում և հատկապես առաջնագծում մի շարք կարևոր ծրագրեր են իրականացվելու, որոնք էականորեն ազդելու են զինծառայողների սոցիալ-կենցաղային պայմանների բարելավման վրա:
Պիլոտային ծրագիրը բարեհաջող իրականացվել է Ջրականում (նախկինում՝ Ջաբրայիլ), որոշ դիրքեր ապահովված են մշտական ջրով:
«Առաջնագծում ծառայած և ծառայող մարդիկ լավ գիտեն այս ծրագրի իրական էֆեկտիվությունն ու գինը, իսկ զինծառայողների հետ անցկացվող զրույցների ժամանակ այս ծրագրի իրականացումը ամենանախընտրելիներից է»,- գրել է Արցախի նախագահի խորհրդականը:
