Արմավիրի միազի Շենիկ գյուղում օրերս նշվել է օրգանական ծիրանի փառատոնը: Հյուրերին դիմավորել են ազգագրական երգ ու պարով, կազմակերպել են հյուրասիրություն և օրգանական այգուց համտեսել անուշահամ ծիրանը: Օրգանական այգին մշակվում է կենսաբանական ծագմամբ պարարտանյութերով ու բուժանյութերով: Փառատոնի նպատակն է զարգացնել ու ընդլայնել օրգանական բնամթերքի արտադրությունը: Այս առումով արդեն առաջխաղացում կա: Արմավիրի մարզի շուրջ 15 մենատնտես միավորովել և ստեղծել են օրգանական միրգ արտադրողների կոոպերատիվ
ղարանի հնչյունները հյուրերին հրավիրում էին օրգանական այգի նշելու հայկական մրգի գեղեցկուհու՝ օրգանական ծիրանի փառատոնը: Այգում արգելված է մեքենաների մուտքը, արտանետված գազը կարող է վնասակար ազդեցություն ունենալ մրգի որակի վրա: ,, Շեն,, բարեգործական հասարակական կազմակերպության ծրագրերի մոնիտորինգի պատասխանատու Էմիլ Աբրահամյանը վերահսկում է օրգանական մրգի արտադրությունը, որի որակը համապատասխանում է միջազգային չափանիշերին. ,,Ամեն ինչին պետք է հետևել, այսինքն պետք չէ քիմիական նյութեր օգտագործել, պետք է բնական հումքի վրա լինի, որպեսզի ապրանքի վրա դրվի բիոարտադրության մակնիշը,,:
Շենիկի օրգանական այգին 10 տարվա պատմություն ունի: Ընդհանուր տարածքը 38 հա է, որից 21 հա ծիրան, մնացածը խնձոր, սալոր, դեղձ և խաղող: Կանաչ պիտակ ունեցող բնամթերքն աշխարհում ավելի բարձր գին ունի, սակայն մեզ մոտ այն դեռ վաճառվում է գրեթե նույն գնով ինչ, թունաքիմիկատներով ու քիմիական պարարտանյութերով աճեցրած բերքը: ,, Ծիրանի այգի,, ՍՊԸ տնօրեն Անդրանիկ Մխիթարյանը նշեց, որ հիմնական շուկան Մոսկվան, բայց, ցավոք սրտի, վաօառվում է ավանդական աճեցրած ծիրանի գնով:
Հայաստանում օրգանական մրգի հիմնական սպառողը բնական հյութերի արտադրությամբ զբաղվող վերամշակող 2 ձեռնարկություն է, որոնք համեմատաբար ավելի բարձր գներով են գնում արտադրողից:
Անդրանիկ Մխիթարյանն նշեց, որ օրգանական մրգի պահանջարկն աստիճանաբար ավելանում է հատկապես չրագործության բնագավառումառանձնացնելով սալորը: Արևային չրանոցներում չորացվող օրգանական միրգը բարձր արժեք ունի հատկապես Եվրոպայում:
Օրգանական արտադրության ծիրանն իր տեսքով ու բերքատվությամբ զիջում է ավանդական մշակվող ծիրանին, սակայն որակական հատկանիշով՝ անգերազանցելի է:
Օրգանական գյուղատնտեսությունը խթանելու նպատակով մրգատու այգիներ ունեցող 15 այգետեր միավորվել և այս տարվա ապրիլ ամսից ստեղծել են ,,Օրգանական միրգ արտադրողներ,, կոոպերատիվը: Կոոպերատիվի նախագահ Սարգիս Սարգսյանը տեղեկացրեց, ոևր իրենց օժանդակում է ,,Ծիրանի այգի, ՍՊԸ-ն:
Նորաստեղծ կոոպերատիվի անդամները դեռևս օրգանական մթերքի արտադրության անցումային փուլում են: Կոոպերատիվի անդամ Սիմոն Ասատրյանը, որպես երկարատև պտղաբույծ նշեց, որ աշխարհի շատ զարգացած երկրներ անցել են օրգանական մթերքի արտադրությանը, որ ապագա ունի նաև Հայաստանում:
Օրգանական ծիրանի փառատոնը սկսվում է սրբազան հոր, տեր Տաթև արքեպիսկոպոս Սարգսյանի օրհնությամբ ու աղոթքով, որպեսզի բերքն առատ լինի, հայն էլ ամուր կանգնի իր հողի վրա ու տեր լինի ամենին:
Օրգանական ծիրանի փառատոնը կազմակերպվել էր Օրգանական գյուղատնտեսության աջակցության նախաձեռնություն ծրագրի շրջանակում, որը ֆինանսավորում է Եվրոպական միությունն ու համաֆինանսավորում Անստրիայի զարգացման գործակալությունը: Ավստրիայի դեսպանության տեխնիկական համագործակցության գրասենյակի ղեկավար Գերհարդ Շաումբերգերը շնորհավորեց բոլորին լավ բերք ստանալու կապակցությամբ և ողջունեց նրանց համատեղ աշխատանքը:
Փառատոնին ներկա գյուղատնտեսության փոխնախարար Աշոտ Հարությունյանը կարևորեց նախարարության հետ իրականացվող այս ծագիրը, որը խթանում է էկոլոգիապես առողջ սննդի արտադրությունը:
Օրգանական գյուղատնտեսության աջակցության նախաձեռնություն ծրագիր հայ ֆերմերների համար կարող է ճանապարհներ հարթել դեպի միջազգային օրգանական շուկա:
