Այսօր ժամը 15.45-ի սահմաններում Արմավիր քաղաքի Հանրապետություն և Շահումյան փողոցների խաչմերուկում ընթացող մեքենան միանգամից հրդեհվել է և այրվել: Հրդեհը բռնկվել է Skoda 7 մակնիշի 19 LS 929 պետհամարանիշի ավտոնեքենայի շարժիչում: Վարորդն ու ուղևորը չեն տուժել:
Նրանք N զորամասի աշխատակիցներ են: Մեքենան լիցքավորվել է գազով, հրդեհված մեքենայի գազի բալոնը կարողացել է փակել առաջին օգնության հասած ոստիկանը, այլապես հետևանքներն ավելի ծանր կլինեին:
Դեպքի վայր է ժամանել մեկ մարտական հաշվարկ, հրշեջ փրկարարները մեկուսացրել են հրդեհը: Դեպքից 30 րոպե հետո հրդեհված մեքենան տեղափոխվել է: Ճանապարհի երթևեկությունը վերականգնվել է:
Լուսանկարները՝ Սաթիկ Իսահակյանի
