Այսօր աշխատանքային գործունեության վեց ամիսն է ամփոփել տրանսպորտի, կապի ու ՏՏ նախարար Վահան Մարտիրոսյանը: Նախարարը ներկայացրել է արված ծրագրերն ու խոսել նաև դեռ կյանքի չկոչված ծրագրերի մասին: Խոստացել է՝ մինչև մայիսի վերջ Հյուսիս-հարավ ճանապարհային միջանցքի Երևան- Արտաշատ հատվածը երկկողմանի երթևեկելի կդառնա: Անդրադառնալով ծրագրի շարունակականության հարցին՝ նախարարը նշել է, որ առաջնայինը Սիսիանից դեպի Ագարակ ընկած ճանապարհահատվածի թունելների ու կամուրջների կառուցման համար ներդրողներ գտնելն է: Տնտեսագետ Արտակ Մանուկյանը «Ռադիոլուրի» հետ զրույցում պնդել է իր կարծիքը՝ ծրագիրն ընդհանրապես պետք է չսկսվեր։ Իսկ ահա Արևելագիտության ինստիտուտի ավագ գիտաշխատող Արմեն Մանվելյանը կարեւորում է ծրագրի տնտեսական բաղադրիչը։
