Իրանի ԱԳ նախարարի՝ Ասիայի, Օվկիանիայի և ԱՊՀ երկրների հարցերով տեղակալ Էբրահիմ Ռահիմ Փուրն այցելել է Հայաստան,-հաղորդում է իրանական «ԻՌԻԲ» լրատվական գործակալությունը:
Հաղորդագրության համաձայն՝ Իրանի փոխարտգործնախարարը Ղազախստան և Ղրղզստան կատարած այցից հետո ուղևորվել է Հայաստան: Նախատեսվում է, որ Էբրահիմ Ռահիմ Փուրը Հայաստանի պաշտոնյաների հետ կքննարկի երկկողմ հարաբերություններին, ինչպես նաև տարածաշրջանային զարգացումներին առնչվող հարցեր:
