Առողջապահության նախարար Լեւոն Ալթունյանն անդրադարձել է սեզոնային գրիպի դեպքերին: Թեեւ մինչեւ այժմ նախարարության աշխատակիցները հերքում են համաճարակի առկայությունը, նախարարը կամա թե ակամա բառն օգտագործում է:
«Համաճարակի մակարդակը իջել է մոտավորապես երկուսուկես անգամ: Եթե մեկուկես շաբաթ առաջ հիվանդների մաքսիմալ քանակը 17 000 էր, այսօր կա 5000-ից 5200 հիվանդ»:
Չնայած, ըստ նախարարի, հիվանդները պակասել են, սակայն հոսպիտալացվածների թիվը դեռեւս նույնն է:
