Կենտրոնն իրականացնում է նաև վերապատրաստման և ուսուցողական ծրագրեր: Ըստ կենտրոնի ղեկավարի՝ ուսումնական ծրագրերը կազմակերպելիս հաշվի է առնվում տվյալ տարածաշրջանում մասնագիտական պահանջարկը: Կարճ ասած՝ մասնագիտական ցանկը տվյալ դեպքում որոշում է աշխատանքային շուկան։
Գորիսում այսօր առավել պահանջված են սպասարկման ոլորտի մասնագետները: <<Վերջին տարիներին քաղաքում կառուցվել են մեծ թվով հյուրանոցներ, աշխատողների կարիք կա>>,-ասում է Զբաղվածության կենտրոնի ղեկավարը՝ միաժամանակ նշում, որ Գորիսում քիչ չեն նաև արտագնա աշխատանքի մեկնողները, որոնց մեջ նաև բարձրագույն կրթություն ստացած գորիսեցիներն են: Աշխատանք գտնելու համար դիպլոմը շատ քիչ է՝ ասում է նա։
Գորիսում մի քանի ուսումնական հաստատություններ կան, որոնց շրջանավարտներն ամեն տարի համալրում են բարձրագույն կրթությամբ գործազուրկների թիվը: Կրթություն-աշխատաշուկա անհամաչափությունն ինչպես ողջ հանրապետությունում, այստեղ էլ առկա է։
