Դեկտեմբերի 9-ին նշվում է մարդկության դեմ ամենասարսափելի հանցագործության՝ ցեղասպանության զոհերի հիշատակի ոգեկոչման ու այդ հանցագործության կանխարգելման միջազգային օրը, հայտնում է calend.ru-ն՝ մանրամասնելով, որ օրը ՄԱԿ-ի Գլխավոր վեհաժողովի կողմից սահմանվել է 2015թ.՝ Հայաստանի նախաձեռնությամբ:
Աղբյուրը նկատում է, որ դեկտեմբերի 9-ը պատահականության սկզբունքով չի ընտրվել. 1948թ. այս օրը ՄԱԿ-ի ԳՎ-ն ընդունել է Ցեղասպանության հանցագործության կանխարգելման ու դրա պատժման մասին կոնվենցիան։
Հայոց ցեղասպանության թեմային անդրադառնալով՝ calend.ru-ն նշում է, որ 1915թ. դեպքերը որպես ցեղասպանություն են ճանաչվել բազմաթիվ պետությունների, Եվրախորհրդարանի ու Եկեղեցիների համաշխարհային խորհրդի կողմից:
Աղբյուրը նկատում է, որ ժամանակակից աշխարհում ևս ցեղասպանությունը շարունակում է գլոբալ սպառնալիք մնալ մարդկության համար:
