ԼՂ հակամարտությունը անհանգստություն է պատճառում

Լեռնային Ղարաբաղում հակամարտությունը շարունակում է անհանգստության պատճառ մնալ` հայտարարել է ԱՄՆ պետքարտուղար Ջոն Քերին Համբուրգում ԵԱՀԿ անդամ-երկրների արտգործնախարարների խորհրդի 23-րդ նիստում։

Քերիի խոսքով՝ սպառնալիքը, որի հետ բախվել է Եվրոպան, կապված է ոչ միայն Ուկրաինայի հետ, դրանց թվին են պատկանում նաև Լեռնային Ղարաբաղի, Մոլդովայի, Վրաստանի հակամարտությունները։ ԱՄՆ պետքարտուղարը նշել է, որ Լեռնային Ղարաբաղի շուրջ հակամարտությունը երկար ժամանակ է, ինչ չլուծված է մնում, և կազմակերպության անդամ երկրները մտահոգվելու պատճառ ունեն։