«Ղարաբաղյան հակամարտության կարգավորումը կախված է կողմերի քաղաքական կամքից»,- հայտարարել է ԵԱՀԿ գլխավոր քարտուղար Լամբերտո Զանյերը՝ Համբուրգում ընթացող ԵԱՀԿ անդամ երկրների արտգործնախարարների խորհրդի նիստի ժամանակ:
Նրա խոսքով, ԵԱՀԿ նպատակն է՝ հնարավորություն ընձեռել բանակցությունների համար, սակայն կողմերի գործն է այդ հնարավորությունից օգտվելը:
«Կողմերին անհրաժեշտ է ջանքեր գործադրել որոշում գտնելու նպատակով: Ես ողջունում եմ ԵԱՀԿ դերը այդ հակամարտությունում»,- ասել է Զանյերը:
Պաշտոնյան ընդգծել է, որ ինքը սատարում է Գերմանիաայի արտգործնախարար, ԵԱՀԿ գործող նախարար Ֆրանկ-Վալտեր Շտայնմայերի դիրքորոշմանը, որն այսօր ավելի վաղ իր ելույթում ընդգծել էր ԵԱՀԿ ՄԽ գործունեությանը նոր ազդակներ հաղորդելու անհրաժեշտությունը:
