Մինչև տարեվերջ նոր տնօրենի մրցույթ կանցկացվի Շիրակի մարզի շուրջ 60 դպրոցում: Գյումրիի թիվ 38 դպրոցում Շիրակի մարզպետը տնօրենի ժամանակավոր պաշտոնակատար է նշանակել Գյումրու թիվ 42 դպրոցի փոխտնօրենին, ինչն էլ մանկավարժների վրդովմունքն է առաջացրել։ Այսօր նրանք, ի նշան բողոքի, դպրոցի բակից ներս չեն գնացել, պահանջելով՝ տնօրենի ժամանակավոր պաշտոնակատար նշանակել իրենց նախկին տնօրեն Գոհար Շահբազյանին:
