ԱՄՆ-ում քվեարկության ավարտից ժամեր անց արդեն հայտնի է դարձել, որ հանրապետական Դոնալդ Թրամփն առաջատար է։ Նախնական տվյալներով՝ նրա օգտին են ձայների 48.5 տոկոսը՝ ընդդեմ Հիլարի Քլինթոնի 47 տոկոսի։
Արդեն կատարվել է նահանգների մեծ մասի ձայների հաշվարկը: Այս պահի դրությամբ առաջատարը Հանրապետական կուսակցության թեկնածու Դոնալրդ Թրամփն է 216 «ընտրական ձայներով», դեմոկրատ Հիլարի Քլինթոնը ունի 187 միավոր: Հանրապետականների թեկնածուն երկար ժամանակ զգալի տարբերությամբ առջևում էր, ավելի ուշ Քլինթոնը շրջանցեց նրան այն ժամանակ, երբ հայտնի դարձան Կալիֆոռնիայի արդյունքները: Րոպեներ առաջ ավարտվեց հերթական նահանգի ձայների հաշվարկը, որից հետո Թրամփը կրկին առաջ անցավ նախագահական մրցավազքում: Դեռևս մնացել է 8 նահանգ, որտեղ կայացած ընտրությունների արդյունքները առայժմ հայտնի չեն:
Միացյալ Նահանգների նախագահական ընտրություններում հաղթում է ոչ թե այն թեկնածուն, ով ստանում է քաղաքացիների քվեների մեծամասնությունը, այլ նա, ով ավելի շատ ընտրական միավոր է հավաքել:
