ԿարևորՏնտեսական

2017թ-ի համար նպատակադրվող 3.2 տոկոս տնտեսական աճը կառավարությունից մեծ ջանք կպահանջի.Կարեն Կարապետյան

lusinevasilyan
2017 թվականի համար կառավարությունը նպատակադրել է ՀՆԱ-ի շուրջ 3.2 տոկոս աճի մակարդակ` այսօր խորհրդարանում ասել է վարչապետ Կարեն Կարապետյանը՝ ներկայացնելով հաջորդ տարվ գլխավոր ֆինանսական փաստաթղթի նախագիծը:  Ազգային ժողովի մշտական հանձնաժողովները սկսել են Բյուջե 2017-ի քննարկումները: Ըստ գործադիրի ղեկավարի ՝ նշված ցուցանիշին հասնելը կառավարությունից ջանքեր կպահանջ՝ հաշվի առնելով ստեղծված տնտեսական միջավայրը, ինչպես նաև ընտրական տարում սպասվող տնտեսական պասիվությունը:

Կարեն Կարապետյանն ասել է, որ բյուջեն կազմելու հիմքում դրվել են  տնտեսությունը չխեղդող, միևնույն ժամանակ հարկեր/ՀՆԱ հարաբերակցությունը մեծացնող կանխատեսումներ:

Նրա խոսքով՝ հարկաբյուջետային քաղաքականությունը լիենլու է թափանցիկ ու հասկանալի հանրության համար: Իսկ կառավարությունն, ըստ Կարապետյանի, առաջնորդվելու է հարկատուների կողմից վճարված բյուջետային եկամուտները հնարավորինս խնայողաբար օգտագործելու մոտեցմամբ:

«2017 թ. պետական բյուջեի  հիմքում դրվել են 2016 թ. բազիսային տվյալները՝ դեֆիցիտի առկա մակարդակը, հաջորդ տարվա համար օրենքով դեֆիցիտի սահմանափակման ցուցանիշը, հաշվարկվել է հարկեր/ՀՆԱ հարաբերակցության և եկամուտների հնարավոր աճը: Հաշվի առնելով դրանք՝ 2017 թ. ծախսերի առումով մաքսիմալ կոշտ քաղաքականություն է որդեգրվել, որպեսզի չլինի դեֆիցիտի ավելի աճ, քան սահմանափակումներն են թելադրում: Հաշվի է առնվել նաև այն հանգամանքը, որ բիզնեսը, գործարար աշխարհը մաքսիմալ չճնշվի ու կարողանա վերարտադրվել: Նպատակը 2017 թ. ավելի աշխույժ տնտեսական իրավիճակ ստեղծելու համար նորմալ պլատֆորմ ձևավորելն է»:

Back to top button