Եղեգնուտ համայնքում արցախցիները թվով շատ քիչ են, այստեղ հիմնականում վերաբնակվել են Հայաստանից ու գերակշիռ մասն էլ Շիրակի մարզից: Մեր զրուցակից Ռիտա Հովհաննիսյանը ընտանիքով 2000 թվականից բնակություն է հաստատել Եղեգնուտ գյուղում: Ռիտա Հովհաննիսյանն ասում է, որ պետությունը փոխհատուցում է էլեկտրաէներգիայի վարձը: Յուրաքանչյուր անձի համար վճարելով 1200 դրամ: Եթե օրինակ 4 հոգանոց ընտանիք է, ապա 4800 դրամ վճարում է պետությունը, իսկ եթե այս նախատեսված չափից բնակիչը ավել էնէրգիա է օգտագործում, այս դեպքում վճարում է բնակիչը: Ռիտա Հովհաննիսյանը նշում է, որ Արցախ տեղափոխվելու որոշման մեջ չի սխալվել: Նրա հետ համակարծիք էին նաև Եղեգնուտ տեղափոխված այլ բնակիչներ:
Երբ սահմանում ակտիվացում է նկատվում, նույն պահին սկսվում են հողերի հետ վերադարձի մասին խոսակցությունները: Եղեգնուտ համայնքի բնակիչներին այդ խոսակցությունները չեն հասնում, քանի որ նրանք դա ընդունում են որպես բամբասանք ու իրենց լեզվով ասած՝ հողերի վերադարձի մասին խոսում են մարդիկ, ովքեր ուզում են թշնամու ջրաղացին ջուր լցնել:
