Խորհրդարանն ավարտել է արտահերթ նիստի աշխատանքը: Այսօր կազմակերպվել են երեկ քննարկված բոլոր օրինագծերի քվեարկությունները: Ձայների 76 կողմ, 10 դեմ 6 ձեռնպահ հարաբերակցությամբ ընդունվել է կառավարության կառուցվածքում փոփոխություն նախատաեսող օրինագիծը: Երկրորդ ընթարցմամբ ընդունվել է նաև վիճահարույց հարկային օրենսգիրքը. կողմ է քվեարկել 79, դեմ 24, ձեռնպահ 1 պատգամավոր:
Կողմ են քվեարկել միայն Հանրապետական ու Դաշնակցություն խմբակցությունները: Ընդդիմադիրները խոսել են իրենց մտահոգությունների մասին: Հաստափոր օրենսգիրքը երեկ քննարկվել է կիսադատարկ դահլիճում՝ ասել է ՕԵԿ խմբակցության ղեկավար Հեղինե Բիշարյանը, Ռուբեն Հակոբյանը նկատել է, որ խորհրդարանական մեծամասնությունը նույնպես լիարժեք չի պաշտպանում փաստաթուղթը, ԲՀԿ խմբակցության ղեկավարն առաջարկել է հետաձգել քվերակությունը:
Ի պատասխան ընդդիմադիրների մտահոգությունների՝ ԱԺ նախագահն ասել է, որ առաջինից երկրորդ ընթերցում օրենսգրքում էական փոփոխություններ են արվել, նախագիծը բարեփոխվել է: ՀՀԿ խմբակցության ղեկավար Վահրամ Բաղդասրյանն էլ վստահեցրել է՝ ՀՀԿ-ն լիարժեք կողմ է նախագծին: Տնտեսկան հարցերի մշտական հանձնաժողովի նախագահ Վարդան Այվազյանն էլոչ լիարժեք քննարկումից դժգոհողներին հիշեցրել է, թե որքան է քննարկվել նախագիծը:
«Մենք դահլիճում նկարվելու համար ելույթներ չենք ունենում: ՀՀԿ-ն կողմ է այս փաթեթին»:
