Հասարակություն

Էկոնոմիկայի նախարարության նոր անվանումը

տեղադրված 16.45-ին

լրացված 18.32-ին

lenabadeyan

Պաշտոնավարման մեկ տարվա ընթացքում Արդարադատության նախարար Արփինե Հովհաննիսյանն արդեն հասցրել է խորհրդարանին ներկայացնել Կառավարության կառուցվածքի փոփոխության երկու նախագիծ: Եթե մեկ տարի առաջ նախարարությունների թիվն ավցելացավ, այսօր արդեն անհրաժեշտություն կա դրանք կրճատելու եւ որոշների անվանումները փոփոխելու: Այսօր խորհրդարանը սկսել է իր արտահերթ աշխատանքները՝ կառավարության առաջարկած օրակարգով, որը չի սպառել եւ արտահերթ ռեժիմով կաշխատի նաեւ վաղը:

Այսօր ԱԺ նիստում ներկայացնելով «Հայաստանի Հանրապետության կառավարության կառուցվածքի մասին» օրենքում փոփոխությունների օրինագիծը՝ արդարադատության նախարարի պաշտոնակատար Արփինե Հովհաննիսյանը նշել է, որ  Էկոնոմիկայի նախարարությունը կկոչվի տնտեսական զարգացման եւ ներդրումների նախարարություն։

Ի դեպ, կառավարությունն առաջարկել է անվանափոխել երեք նախարարություններ, եւս մեկը՝ լուծարել:

Նախատեսվում է Էկոնոմիկայի նախարարությունը  անվանափոխել Տնտեսական զարգացման եւ ներդրումների նախարարություն, Տրանսպորտի եւ կապի նախարարությունը՝ Տրանսպորտի, կապի եւ տեղեկատվական տեխնոլոգիաների նախարարություն, Էներգետիկայի եւ բնական պաշարների նախարարությունը՝ Էներգետիկ ենթակառուցվածքների եւ բնական պաշարների նախարարություն: Առաջարկվում է Քաղաքաշինության նախարարությունը վերացնել:

Back to top button