Սեպտեմբերի 18-ին հանրապետության 5 մարզերում տեղի ունեցան ՏԻՄ ընտրություններ: 58 համայնքում ընտրվել է նոր ղեկավար, որոնցից 8-ը խոշորացված համայնքների ղեկավարներ են: Տավուշում՝ Նոյեմբերյան քաղաքին միացել է 8 գյուղ՝ Բերդավանը, Դովեղը, Բարեկամավանը, Բաղանիսը, Կոթին, Ոսկևանը, Ոսկեպարը, Ջուջևանը: Բացի Ջուջևանից, մյուս յոթ գյուղերը սահմանամերձ են: Բարեկամավանի նախկին գյուղապետ Գագիկ Աբազյանը, ինչպես ավելի վաղ, այնպես էլ այսօր «Ռադիոլուր»-ի հետ զրույցում իր անհանգստությունն է փոխանցել համայնքների խոշորացման ծրագրից: Աշխատանքը կորցրած Աբազյանը դեռ չի որոշել, թե ինչ է անելու հետագայում, անգամ չգիտի կմնա՞ գյուղում՝ թե՞ կհեռանա: Այս համայնքներում ի դեպ, նաև բնակիչներն էին դեմ միացման ծրագրին: Խոշորացված Նոյեմբերյանի ղեկավար Կարեն Աբազյանը «Ռադիոլուր»-ի հետ զրույցում անկեղծացել է՝և ինքն է նոր, և համայնքն է խոշորացված: Բայց և խոստացել է՝ կարադարցնի ընտրողների հույսերը: Սյունիքում նույնպես խոշորացված համայնքների ղեկավարներ են ընտրվել:
Սյունիքի մարզի Գորայք խոշորացված համայնքի նորընտիր ղեկավար Առուստամ Առուստամյանը մի քանի օր է, ինչ համայնքի ղեկավար է ընտրվել ՝ այն էլ ոչ թե մեկ, այլ՝ չորս՝ Գորայքին միացել է Ծղուկը, Սառնակունքը, Սպանդարյանը: «Ռադիոլուր»-ի հետ զրույցում նորընտիր ղեկավարը խոստովանում է՝ այնպես են արել, որ բոլոր համայնքներից էլ ավագանու
«Գորայք, Ծղուտ, Սառնակունքը երկուական, Սպանդարյանը՝ մեկը»:
Ավագանի ունեն, սակայն, համայնքի ներկայացոցիչներ դեռ ոչ: Յուրքանչյուր համայնք պետք է ունենա իր ներկայացուցիչը: Արդեն միացած գյուղերի ղեկավարների մեծ մասը, ի դեպ վստահ է, որ հենց ինքն է լինելու այդ ներկայացուցիչը: Զրուցակիցս, սակայն, դա պարտադիր պայման չի համարում
«Ցանկալի է, որ փորձառու աշխատողներ լինեն, լինեն ժողովրդի կողմից ընդունված, գոնե 70 տոկոսը գյուղացիների կողմ լինի: Չի բացառվում, որ նախկին գյուղապետերը առաջադրվեն, բայց երևի այս պարագայում դա չգործի: Կուսակցական պատկանելիությունը նույնպես կապ չունի»:
Սեպտեմբերի 18-ին հանրապետության 5 մարզերում տեղի ունեցան ՏԻՄ ընտրություններ: 58 համայնքում ընտրվել է նոր ղեկավար, որոնցից 8-ը խոշորացված համայնքների ղեկավարներ են:
Նախորդ շաբաթ տեղի ունեցած ՏԻՄ ընտրություններն ըստ Հայաստանի Համայնքների միության նախագահ Էմիլ Երիցյանի, մրցակցային չեն եղել: Համայնքների ղեկավարների 70 տոկոս, իսկ ավագանու անդամների 95 տոկոսն ինքնաառաջադրվել են: Խոշորացված ութ համայնքներից 5-ում՝ համայնքի ղեկավարի մեկ թեկնածու է առաջադրվել:
Սյունիքի մարզի չորս խոշորացված համայնքներից օրինակ Գորայքում համայնքի ղեկավարի երկու թեկնածու է մասնակցել: Մյուս երեքում՝ Տեղում, Գորիսում և Մեղրիում մեկական թեկնածու է առաջադրվել: Տավուշում մրցակցություն նկատվել է: Հայաստանի Համայնքների միության նախագահ Էմիլ Երիցյան .« Շատ ցածր մրցակցության մակարդակ: Ավագանու դեպքում էլ գրեթե մրցակցություն չկար: Նոյեմբերյանում կար մրցակցություն»:
Նոյեմբերյան քաղաքին միացել է 8 գյուղ՝ Բերդավանը, Դովեղը, Բարեկամավանը, Բաղանիսը, Կոթին, Ոսկևանը, Ոսկեպարը, Ջուջևանը: Բացի Ջուջևանից, մյուս յոթ գյուղերը սահամանամերձ են: Այս համայնքներում բնակիչները հիմնականում դեմ էին խոշորացմանը:
Նոյեմբերյան համայնքի ղեկավարի աթոռի պայքարը թեժ էր, յոթ թեկնածու էր առաջադրվել, որից չորսը Նոյեմբերյանից, մյուսները՝ Բերդավանից, Բարեկամավանից ու Ոսկեպարից: Բարեկամավանից ու Ոսկեպարից առաջադրվել էին արդեն նախկին գյուղապետերը:
Բարեկամավանի նախկին գյուղապետ Գագիկ Աբազյանն ինչպես ավելի վաղ, այնպես էլ այսօր «Ռադիոլուր»-ի հետ զրույցում իր անհանգստությունը փոխանցեց համայնքների խոշորացման ծրագրից,
«Շատ ուրախ կլինե, եթե սխալված լինեմ, այդ պահին էլ եմ գտնում, որ ճիշտ չէր: Սահմանամերձ համայնքներում այս պահին ճիշտ էր, որ առանձին մնային»:
Հարցին, կմնա՞ք գյուղում, թե՞ կհեռանաք գյուղից, Աբազյանն ասաց՝ եթե մնամ ներկայացուցիչ, կմնամ, եթե չէ՝ չէ: Եթե տեղաշարժ տեսնեմ, որ բնակչի ապրելակերպը փոխվել ա, կմնամ:
Նախկին գյուղապետն անհանգստացած է՝ առանց այն էլ աշխատատեղ չունեցող գյուղում, որն ադրբեջանական դիրքերի և ուղիղ կրակի տակ է, միայն գյուղապետարանից հինգ մարդ արդեն աշխատանքը կորցրել է: Զրուցակցիս չի մխիթարում անգամ այն հավաստիացումը, որ խոշորանալով ֆինանսներն ու ներդրումները կավելանան, աշխատանքը կորցրած գյուղապետն էլ չգիտի, կմնա գյուղում, թե՞ ոչ.«Հինգ-վեց աշխատող ունենք գյուղապետարանում: Չեմ կարծում, որ իրենք աշխատանք կունենան»:
Նոյեմբերյանում խոշորացված համայնքի ղեկավար է ընտրվել արմատներով Բարեկամավանից Կարեն Աբազյանը: Նա էլ դեռ հստակ չի պատկերացնում, թե ինչպես է կազմակերպելու իր աշխատանքը: Կարեն Աբազյանը միանգամից մեկ քաղաք և ութ գյուղ է ղեկավարելու:
«Ես էլ եմ նոր ու խոշորացված է: Կրկնակի փորձություն է սպասվում, բայց ոչինչ կարդարացնենք ժողովրդի հույսերը»:
«Ռադիոլուր»-ի զրուցակիցը գյուղերի ներկայացուցիչներ է առաջադրելու, խոստանում է՝ թեկնածուները գյուղացիների սրտով կլինեն: Հրատապ լուծում պահանջող հարցերն էլ շատ են.«Եթե մի գյուղ կամ համայնք լիներ, ավելի հեշտ կլիներ, օրենքներն ու գործառույթները դեռ պարզ չեն: Պետք է աշխատես, որ քո աշխատանքով փորձ ձեռք բերելով առաջ շարժվես»:
Խոշորացված Կողբ համայնքում, որը միավորում է Կողբ եւ Զորական գյուղերը, առաջադրվել էր համայնքի ղեկավարի 4 թեկնածու: Այստեղ էլ նախորդ շաբաթ համայնքի նոր ղեկավար է ընտրվել՝ անկուսակցական Արսեն Աղաբաբյանը:
