Ազգային ժողովի՝ այսօր սկսված նստաշրջանի մեկնարկին ՀԱԿ խմբակցության ղեկավար Լեւոն Զուրաբյանը հայտարարել է, որ Ընտրական օրենսգրքի բարեփոխման շուրջ ընդդիմության և իշխանության միջև շարունակվող բանակցությունները մոտենում են հանգուցալուծման: Ըստ Զուրաբյանի՝ ԱԺ 5 խմբակցությունները շաբաթ օրը փաստաթուղթ են նախաստորագրել, որից հետո հանդիպել են na7 դոնորների հետ և համաձայնություն ձեռք բերել փոփոխությունների իրականացման համար անհարժեշտ 9 մլն դոլարը ստանալու վերաբերյալ:
Մինչ այս պահը քաղաքական ուժերը սպասում էին քաղաքացիական հասարակության արձագանքին՝ ասել է Զուրաբյանը ու գործընկերներին տեղեկացրել, որ հասարակական կազմակերպությունները ևս այսօր տարածած հայտարարությամբ պաշտպանում են նախաձեռնությունը:
«Քանի որ ունենք նրանց հավանությունը, ուրեմն ինչքան հնարավոր է արագ պետք է նախաձեռնել այս համաձայնագրի վերջնական ստորագման արարողակարգը, ու այդ հարցի ընդգրկումը ԱԺ օրակարգում»:
Համատեղ աշխատանքը արդյունքներ է տալիս՝ արձագանքել է ԱԺ փոխնախագահ Էդուարդ Շարմազանովը: Իսկ Գալուստ Սահակյանը վստահեցրել է, որ սա այն օրենքն է, որը պետք է հնարավորինս արագ պետք է ներկայացվի խորհրդարան: Իշխանությունը և ընդդիմությունը համաձայնության են եկել ստորագրված ցուցակների հրապարակման և ընտրական գործընթացը տեսանկարահանելու հարցերի ծուրջ:
