Քաղաքական

«Սեւ ցուցակներ» Հայաստանի դեպքո՞ւմ էլ.Ստեփան Գրիգորյան

lusinevasilyan
«Գլոբալիզացիայի և տարածաշրջանային կենտրոնի» ղեկավար Ստեփան Գրիգորյանն այսօր լրագրողների հետ հանդիպման ժամանակ անդրադարձել է օգոստոսի 30-ին Մոսկվայի Շերեմետևո օդանավակայանում տեղի ունեցած միջադեպին. ռուս սահմանապահները, հիշեցնենք, Գիրգորյանին թույլ չէին տվել դուրս օդակայանից՝ տեղեկացնելով, որ նրա մուտքը Ռուսաստան արգելված է մինչև 2030 թվականը:

Վերլուծաբանն ասել է, որ մինչ այժմ  չի շտապել մեկնաբանություններ տալ ՝ նախընտրելով սպասել պաշտոնական հայտարարությունների: ՌԴ իշխանությունների կողմից  դեռևս որևէ պաշտոնական արձագանք չի եղել՝ ասել է Գրիգորյանը, նաև նշել, որ  առայժմ պատասխան չի տրվել նաև  ՌԴ-ում Հայաստանի դեսպանության կողմից  միջադեպի առիթով ներկայացված հարցմանը:

Գրիգորյանը տեղի ունեցածը որակել է ճնշում, որը քաղաքական նպատակներ է հետապնդում: Հավաստիացրել է, որ շարունակելու է իր  աշխատանքը, իսկ  իշխանություններին դիմել է խնդրանքով՝ ճշտել արդյոք Ռուսասատնում կան նաև սև ցուցակներ, որոնք արդեն տարածվում են նաև Հայաստանի վրա:

«Երբ ռուս-ուկրաինական հարաբերություններում է նման հարց ծագում` սև ցուցակների, սանկցիաների, ինչ-որ տեղ կարելի է հասկանալ, բայց ես չեմ հասկանում, թե որ սանկցիաների մասին է խոսքը Ռուսասատնի ռազմավարական գործընկեր համարվող Հայաստանի դեպքում»:

Back to top button