Կառավարությունը 100.8 մլն դրամ լրացուցիչ գումար է հատկացրել Անկախության 25-ամյակի տոնակատարություններին: Այս մասին համապատասխան որոշումն ընդունվել է օգոստոսի 11-ին Կառավարության նիստում:
Միջոցները հատկացվելու են «Դասական երաժշտության աջակցություն» ՀԿ-ին:
Մշակույթի փոխնախարար Ներսես Տեր-Վարդանյանի խոսքով՝ տոնական օրվա միջոցառումները կարեւոր են ՀՀ ցանկացած քաղաքացու համար, պետք է հնարավորինս տոնական տեսք հաղորդել դրանց, որպեսզի հասարակության շրջանում ամրապնդվի հայրենասիրությունը:
