ԿարևորՔաղաքական

Շարմազանովը` ՆԱՏՕ-ի գագաթաժողովում նախագահի ուղերձների մասին

lusinevasilyan
ՆԱՏՕ-ի  գագաթնաժողովի ընթացքում հանրապետության նախագահի ելույթը երեք հստակ ուղերձ էր պարունակում՝ այսօր լրագրողների հետ հանդիպման ժամանակ ասել է Հանրապետական կուսակցության մամուլի խոսնակ, ԱԺ փոխնախահգահ Էդուարդ Շարմազանովը:

Առաջինն, ըստ նրա, Սերժ Սարգսյանի հստակ ամրագրումն էր, որ Հայաստանն  ու Ղարաբաղը հակամարտության խաղաղ լուծման կողմնակիցներ են,  երկրորդը՝  որ ՆԱՏՕ-ն չէ այն հարթակը, որտեղ պետք է քննարկվի Ղարաբաղի հարցը, ուստի  Ադբեջանի ցանկացած փորձ՝ տեղափոխել հակամարտությունը այլ հարթակներ, ընդունելի չէ ու հակասում է Մինսկի խմբի համանախագահ երկրների հայտարարություններին:

Սերժ Սարգսյանի ելույթի երրորդ ուղերձն, ըստ Շարմազանովի,  Վիեննայում ու Սանկտ Պետերբուրգում ձեռք բերված պայմանավորվածությունների անվերապահ կատարման անհրաժեշտության ամրագրումն էր:

ՀՀԿ խոսնակը խիստ հստակ է որակել նաև Սերժ Սարգսայանի այն հայտարարությունը, որը վերաբերում է ստատուս քվոյի փոփոխությանը: Ստատուս քվոն կփոխվի, եթե ճանաչվի  ԼՂ ժողովրդի ինքնորոշման իրավունքը՝ Վարշավայում ասել էր հանրապետության նախագահը:

«Այսինքն, պետք է այս կոնֆլիկտի ոչ թե հետևանքները վերացնել, այլ պատճառները: Վարշավայում Սերժ Սարգսյանը ուղիղ նշեց, որ թիվ մեկ խնդիրը ոչ թե տարածնքերի կամ փախստականների խնդիրն է, այլ կարգավիճակի և Արցախի ժողովիդի ինքնորոշման իրավունքի իրացման խնիրն է»:

Back to top button