Հայտնի է Երևանի ամենահին փողոցը: Այն հայտնաբերվել է «Էրեբունի» պատմահնագիտական արգելոց թանգարանի միջնաբերոդում, որտեղ 2008 թվականից հնագիտական աշխատանքներ է իրականացնում հայ-ֆրանսիական արշավախումբը, որին ավելի ուշ միացել էին նաև իրանցի հնագետները: Այսպես ասած ինտերնացիոնալ արշավախմբի անդամներն այսօր ամփոփել են 8-ամյա պեղումների արդյունքներն ու հույս են հայտնել, որ հնագիտական աշխատանքները Էրեբունիում շարունակություն կունենան:
Երկու օր հետո կազդարարավի Ֆրանսիայի կառավարության օժանդակությամբ իրականցվող ծրագրի ավարտը, որի շրջանակներում 2008 թվականից ի վեր հայ-ֆրանսիական հնագիտական արշավախումբը պեղումներ էր իրականացնում «Էրեբունի» պատմահնագիտական արգելոց թանգարանի միջնաբերդում: Թանգարանի տնօերն Գագիգ Գյուրջյանի խոսքով՝ արշավավախմբի 8 տարիների աշխատանքը երեք հիմնական խնդիր է լուծել:
Հայ-ֆրանսիական արշավախմբի աշխատանքները, որոնց ավելի ուշ միացան նաև իրանցի գործընկերները կենտրոնացված էին մասնավորապես արգելոց-թանգարանի Խալդի աստծո տաճարում և տաճարին հարակից տարածքում:
Արշավավախմբի հայկական կեղմի ղեկավար Միքայել Բադալյանն ասում է, որ աշխատանքների ընթացքում շեշտը դրվել է մի մեծ հարցականի վրա, որը կոչվում է հետուրատական ժամանակաշրջան. ինչպես կործանվեց ուրարտական պետությունը, ինչ տեղի ունեցավ դրանից հետո. հնագիտությանն առ այսօր անհայտ հարցերի պատասխանները հայ-ֆրանսիական արշավախմբի պեղումներից հետո կարծեք որոշակի ուրվագծեր են ստանում:
Եթե Էրեբունին մայրաքաղաք Երևանի օրանն է, ուրեմն կարող ենք ասել, որ հայտնաբերվել Է Երևանի ամենահին փողոցը: Արշավախմբի ֆրանսիական կողմի ղեկավար, Փարիզի հնագիտական ծառայության ղեկավար Ստեֆան Դեշամպը ևս երևանյան ամենահին խճաքարե փողոցի հայտնաբերումը համարում է արշավախմբի կարևոր ձեռքբերումներից մեկը: Խալդ աստծո տաճարի հարևանությամբ սյունազարդ սրահում բացահայտված տարբեր ժամանակաշրջանների հնագիտական շերտերը ևս , ըստ նրա, կարևոր ձեռքբերումներ են ոչ միայն հնագիտության տեսանկյունից, այլև հուշարձանի վերականգնման:
«Շատ ուրախ եմ, որ այս աշխատանքներն իրականացվեցին հայկական դրոշի ներքո: Շնորհակալ եմ Իրանի և Հայաստամնի իշխանություններին այս աշխատանքներին մասնակցելու հնարավորության համար», -ասում է արշավախմբի աշխատանքներում ներգրավված իրանցի մասնագետ Ռեզա Հեյդարը, ում համոզմամբ Էրեբունիում իրականացված հնագիտական աշխատանքները տարածաշրջանակյին կարևորություն ունեն:
Անվցած ութ տարիների հնագիտական պեղումների արդյունքներն ամփոելով՝ արշավախմբի անդամներն այսօր հույս հայտնեցին, որ ծրագիրը կունենա շարունակություն և պատմական նորանոր շերտերի բացահայտումը Էրեբունիում դեռևս նոր անակնկալներ կմատուցի:
