Որպեսզի տարածաշրջանում հաստատվի խաղաղություն, ապա մենք դրա համար պետք է աշխատենք եւ աղոթենք, «Ռադիոլուրին» տված հարցազրույցում ասել է Վատիկանում Հայաստանի դեսպան Միքայել Մինասյանը։
Արդեն երեք օր է Հայաստան աշխարհում հնչում է խաղաղության աղոթք: Դեսպան Մինասյանը հույս է հայտնել,որ երեք օր շարունակ այստեղից հնչող խաղաղության աղոթքները կտան իրենց պտուղները, ու տարածաշրջանում կհաստատվի խաղաղություն:
«Ես հույս ունեմ, որ մեր հարևանները կլսեն, ու վստահ եմ, որ աղոթքը ունի այդ ուժը։ Վստահ եմ, որ երեկ Սրբազան քահանայապետի և Ամենայն հայոց կաթողիկոսի կողմից առ Աստված բարձրացված աղոթքը կբացի այն դռները ու խաղաղությունը կսկսի տիրել մեր տարածաշրջանում»,- «Ռադիոլուրին» ասել է Միքայել Մինասյանը:
