Պետք է նայել փաստաթուղթը, ոչ թե՝ ապրիլյան իրադարձությունները՝ պատգամավորը ՀՕՊ համակարգի մասին
Հայաստանի ու Ռուսաստանի միջև Հակաօդային պաշտպանության միավորված համակարգ ստեղծելու համաձայնագիրը, դեռ քննարկումների փուլում է: ԱԺ արտաքին հարաբերությունների հանձնաժողովի նախագահ Արտակ Զաքարյանը խորհուրդ է տալիս նախ ընթերցել, ծանոթանալ համաձայնագրին ու վաղաժամ սխալ մեկնաբանություններ չանել: Պաշտպանության նախկին նախարար Վաղարշակ Հարությունյանն էլ կարծում է, որ այդ համաձայնագիրը ոչ թե ՀՀ-ին զրկում է ինքնուրույն որոշումներ կայացնելու հնարավորությունից, այլ պաշտպանում մեր երկրի անկախությունը:
Հայաստանի ու Ռուսաստանի միջև Հակաօդային պաշտպանության միավորված համակարգ ստեղծելու համաձայնագրի մասին խոսել պետք է քննարկելով բուն փաստաթուղթը և ոչ ապրիլյան ռազմական գործողությունները՝ հենց սկզբիզ նշեց ԱԺ պատգամավոր, արտաքին հարաբերությունների հանձնաժողովի նախագահ Արտակ Զաքարյանը, ում խոսքով մենք ունենք մեկ հենարան և դա մեր բանակն է:
Պատգամավորը հարկ համարեց նշել, որ համաձայնագիրը կնքվել է մինչեւ ապրիլյան իրադարձությունները: Պետք է նայել, թե ինչ է ասվում համաձայնագրում՝ ասաց նա՝ բացատրելով՝ ՀՀ- ն ունի իր համակարգը, ՌԴ- ն՝ իր համակարգը, սակայն կան խնդիրներ, որ առանց միասնական համակարգի չեն լուծվի: Հանրապետական պատգամավորը վստահեցնում է , որ մինչեւ համաձայնագիրն ստորագրելը լուրջ վերլուծություններ են արվել: Արցախի անվտանգությունը նաև Հայաստանի անվտանգության անքակտելի մասն է՝ ասաց։
Արտակ Զաքարյանը վստահեցնում է՝ ՀՀ անվտանգության հարցն առաջին տեղում է ու մտահոգվել պետք չէ: Այդպես է կարծում նաև պաշտպանության նախկին նախարար Վաղարշակ Հարությունյանը։
Այս համաձայնագրի հիմնական նպատակը ինչպես Հայաստանի. այնպես էլ Ռուսաստանի համար օդային տարածքում առկա սպառնալիքներին համարժեք պատասխան տալն է՝ հիշեցրեց պատգամավորը: Վաղարշակ Հարությունյանի խոսքով՝ պատերազմական վիճակում օգտագործվում է համատեղ ծրագիրը:
Իսկ ի՞նչ ակնկալել հունիսի 20-ին Սանկտ Պետերբուրգում նախատեսված Սերժ Սարգսյան- Իլհամ Ալիև հանդիպումից: Արտակ Զաքարյանի կարծիքով՝ հանդիպման առանցքը լինելու է Վիեննայում ձեռք բերված պայմանավորվածությունների իրագործումը: Ամեն ին չ կախված կլինի Ադբեջանի վարքից: ՀՀ- ն միշտ էլ պատրաստ է հետաքննության մեխանիզմների ներդրմանը՝ ևս մեկ անգամ հիշեցրեց նա .
Որպեսզի զերծ պահենք Ադրբեջանին ռազմական գործողություններից՝ պետք է հետաքննության մեխանիզմներ ներդնենք: Սանկտ Պետերբուրգում կայանալիքը բանակցություններ համարել չի կարելի՝ նշում է Արտակ Զաքարյանը:
Վաղարշակ Հարությունյանի խսքով՝ Բաքուն ցույց է տվել տարիների ընթացքում որ պատասխանատու երկիր չէ: Բանակցային ճանապարհը իր համար լուծման եղանակ չէ, այդ երկիրը չի ուզում գնալ զիջումների:
