Հասարակություն

Սկսել թափուր հաստիքների կրճատումից.քաղծառայության խորհրդի նախագահի առաջարկը

hasmikdilanyan
Մարդկային ռեսուրսների արդյունավետ օգտագործման մասին  շատ հաճախ էր խոսվում: Վերջին մոտ մեկ ամսվա ընթացքում անդրադարձերը հաճախակիացան:  Պատճառը կամ առիթը վարչապետ Հովիկ Աբրահամյանի՝ մայիսի 12-ի հայտնի ելույթն է: Գերատեսչությունների ղեկավարները պարբերաբար հայտարարում են, որ աշխատակիցների կրճատման հարցում փորձելու են հնարավորինս  արդար որոշումներ կայացնել:  Քաղաքացիական ծառայության խորհրդի նախագահ Մանվել Բադալյանն էլ  առաջարկում է  սկսել թափուր հաստիքների կրճատումից, միաժամանակ չհերքելով՝ ոլորտում կան  նաև  անարդյունավետ  աշխատողներ:

 

 

 

Օպտիմալացում, ծախսերի ու ուռճացված հաստիքների կրճատում, պայքար մենաշնորհների դեմ: Վարչապետի  հայտնի  հայտարարությունից  շուրջ երեք շաբաթ է անցել , քննարկումները պետական գերաատեսչություններում շարունակվում են: Եթե տրանոպորտային միջոցների  թվի կրճատումների մասին բարձրաստիճան պաշտոնյաները միանգամից են հայտարարում, ապա  կադրային կրճատումների մասին դեռ խուսափում են խոսել: Խնդիրը նուրբ  է, 30 և ավելի  տոկոս աղքատություն ունեցող մեր երկրում  հերթական կրճատումները սոցիալական նոր խնդիրներ են

«Ամբողջությամբ գիտակցում եմ այն հանգամանքը, որ իմ հնչեցրած առնվազն այս երկու մոտեցումների արդյունքում կարող է առաջանալ որոշակի սոցիալական լարվածություն՝ պետական համակարգում աշխատատեղերի կրճատմամբ պայմանավորված»:

Մարդկային ռեսուրսների օպտիմալացման հարցերով կզբաղվի վարչապետի որոշմամբ ստեղծված  աշխատանքային խումբը: էկոնոմիկայի նախարար Արծվիկ Մինասյանը օրինակ  կոնկրետ իր ղեկավարած գերատեսչությունում նաև կառուցվածքային փոփոխությունների անհրաժեշտություն է տեսնում: Պարզաբանում է՝ այն գործառույթները, որոնք նոր Սահմանադրության համաձայն, էկոնոմիկայի նախարարությունը պետք է իրականացնի, կգնանք լուծումների օպտիմալ կառուցվածքով:

Աշխատանքի ու սոցիալական հարցերի նախարար Արտեմ Ասատրյանը կարծում է, որ  հաշվի առնելով խնդրի բոլոր կողմերը, որոշումները այնպիսին կլինեն, որոնք սոցիալական լարվածություն չեն  ստեղծի: Կարևորում է աշխատանքի արտադրողականության բարձրացումը,

Միայն քաղաքացիական  ծառայության ոլորտում 7000 հաստիքից 700-ը թափուր է, 2015-ին հայտարարված 908 թափուր պաշտոնի մրցույթներից 15,7 տոկոսում հաղթողներ չեն եղել, շուրջ 15 տոկոսը չի կայացել՝ անգամ դիմումատու չի եղել:   Հայաստանի քաղաքացիական ծառայության խորհրդի նախագահ Մանվել Բադալյանն առաջարկում է՝ կրճատումներն սկսել թափուր հաստիքներից: Միաժամանակ  վստահեցնում  է՝ հավակնորդներ կան, սակայն, գիտելիքներն են ցածր:  Շատ հաճախ դիումատուները  ընդհանուր զարգացվածության տարրական գիտելիքներ չունեն՝  ասում է՝ չհերքելով, որ ոլորտում կան ոչ արդյունավետ աշխատողներ,

«Եթե դա լինի, ցանկալի է, որ կրճատվողները չլինեն արդյունավետ աշխատողները: ես գոնե չեմ ժխտում կամ հերքում , որ կան նաև անարդյունավ ետ աշխատողներ: ավելին, ես երբևէ չեմ ժխտել կամ հերքել, որ մեր պետական կառավարման համակարգում օպտիմալացման տեղ, այո, կա»:

Կրճատումները ինքնանպատակ չպետք է լինեն՝ ասում է Մանվել Բադալյանն ու  կրկնում բազմիցս արտահայտած իր միտքը՝ քաղաքացիական կամ պետական ծառայությունները  չպետք է սոցիալական խնդիրներ լուծեն: Հիմնավորումը՝ հետևյալն է՝

«Դուք համաձայն եք, որ պետական ծառայության համակարգում  ընդգրկված լինեն մարդիկ և շարունակեն աշխատել՝ որակ և էֆեկտիվություն չբերելով  մեր կյանքի կազմակերպմանը, պետական կառավարման համակարգի արդյունավետության  բարձրացմանը, բայց իրենք իրենց սոցիալական խնդիրը լուծեն: Պետական ծառայությունը յուրաքանչյուրի համար պետք է կոչում լինի, նվիրում, առաքելություն: Այդ հատկանիշերի պատճառով է, որ հաճախ սրտեղում ենք    , որ հաճախ դժգոհում ենք, որ մարդու, քաղաքացու մոտ պետական  պաշտոնյաի նկատմամբ հակակարնք է ձևավորվում: Փողկապով մարդ են փողոցում ետսնում, նշանակություն չունի ՝ ով է էդ մարդը, արդեն հակակարնք է ստեղծվում՝ նշանակություն չունի, թե ով է այդ փողկապով մարդը»:

Նշենք, որ նախորդ տարեվերջին կառավարությունը հաստատել էր «Քաղաքացիական ծառայության  զարգացման  ռազմավարությունը», և այժմ,,  ոլորտի ղեկավարի խոսքով,  բարեփոխումների իրականացման ճանապարհով են գնում:

2016-ին նախատեսվում է  ընդունել  «Քաղաքացիական ծառայության մասին նոր օրենքը», որտեղ կարևորվելու է աշխատանքի կատարողականի գնահատումը։ եթե մինչեւ այժմ քաղծառայողը ատեստավորվում է երեք տարին մեկ, ապա նոր մոդելի ներդրմամբ՝ նրա աշխատանքը կգնահատվի գրեթե ամեն օր։ Թե ինչպես, դեռ փակագծերը չեն բացում,  սակայն Մանվել Բադալյանի հավաստիացումը հստակ է՝  «Խնդիրը բարդ է, սակայն՝ լուծելի»:

Back to top button