Մենք պետք է լուրջ վերաբերվենք հակառակորդին ու ավել լուրջ պատրաստվենք պաշտպանության, քանի որ բռնկումներ հնարավոր են: Չպետք է ծաղրել նրանց, քանի որ, ըստ երգահան Արտավազդ Բայաթյանի, հակառակարդը բավականին ուժեղ է: Նրանց համար սա տարածքների պայքար է, մեզ համար՝ գոյության, լինել-չլինելու՝ ասաց: ՀՀ ժողովրդական արտիստ, ռեժիսոր Նիկոլայ Ծատուրյանին դուր չի եկել հողատարածք կորցնելու մասին հայտարարությունը: Նրա խոսքով պետք էր հենց սկզբից ժողովրդի հետ անկեղծ խոսել: Նրահամար անընդունելի է ամեն հարցում Ռուսաստանի կողմը հայացք ուղղելու ու խնդրի լուծում ակնկալելու պահվածքը: Հայրենիքի համար այս բարդ իրավիճակում նա կոչ ուղղեց օլիգարխներին. « կամ վերցրեք ձեր ունեցվածքն ու գնացեք այս երկրից մեկ այլ տեղ ու վայելեք, կամ գոնե ձեր ունեցվածքի կեսը տվեք հայրենիքի պաշտպանության համար»,- ասաց:
