Ազգային ժողովի` այսօր մեկնարկած քառօրյայի օրակարգում Ընտրական օրենսգրքի նախագիծն է՝ հարակից փաթեթով: Այն այս քառօրյայի ընթացքում պետք է քննարկվի երկրորդ ընթերցմամբ:
Առաջին ընթերցումից հետո էականորեն փոփոխված օրենսդրական փաթեթը պատգամավորներին բաժանվել է նիստի մեկնարկից առաջ: Ընդդիմադիրները դժգոհել են, որ բովանդակությանը ծանոթանալ չեն հասցրել:
Շտապողականությունը գուցե և արադարացվում է Սահմանադրության պահանջով, բայց անթույլատրելի է նման կարևոր փաստաթղթի համար՝ ասել է ՀԱԿ խմբակցության ղեկավար Լևոն Զուրաբյանը և նշել , որ ընդդիմադիրների ու քաղաքացիական հասարակության կողմից ներկայացված 5 միասնական պահանջները, չնայած բանակցություններին ու կոնսենսուսի մասին հայտարարություններին, լիարժեք լուծում չեն ստացել: ՀԱԿ-ի առաջարկը Արամ Մանուկյանն է ձևակերպել:
«Չենք կարող քննարկել, որովհետև այդ 5 կետերը որպես առաջարկներ փաստաթղթում ձևակերպված չեն: Մեր առաջարկը հետևյալն է՝ համաձայն եք ինչ-որ ձև գտնել մեր առաջարկները քննարկելու և նախագծի մեջ տեղավորելու: Մի շատպեք, մտածեք հետո պատասխանեք»:
Մեծամասնությունը դեռ իր խոսքը կասի՝ արձագանքել է ԱԺ փոխնախագահ Էդուրադ Շարմազանովը:
