«ԼՂՀ կառավարությունում քննարկում-հանդիպումներ ենք անցկացրել, հանդիպել ենք ԼՂՀ նախագահ Բակո Սահակյանի հետ, այցելել ենք նաև առաջնագիծ»,- այսօր Արմենիա Մարիոթ հյուրանոցում լրագրողների հետ զրույցում իր արցախյան այցն է ամփոփել վարչապետ Հովիկ Աբրահամյանը: Կառավարության ղեկավարի խոսքով՝ բոլորի՝ զինվորների, սպաների, գեներալների, քաղաքական գործիչների մոտ բարձր վստահություն կա մեր ապագա հաղթանակների համար:
Քննարկվել են նաև տնտեսական խնդիրներ ու ձեռք բերվել պայմանավորվածություններ: Վարչապետ Հովիկ Աբրահամյանը անդրադարձել է նաև Լեռնային Ղարաբաղի անկախության ճանաչման հարցին.
«ՀՀ նախագահը շատ հստակ իր դիրքորոշումը հայտնել է, եթե այդ ոտնձգությունը և այդ պատերազմը շարունակվի, ապա մենք ստիպված կլինենք գնալ այդ քայլին: Առայժմ դրա անհրաժեշտությունը չկա: Փոխօգնության համաձայանգիրը չի ուշանում, նախապատրաստական փուլում է»:
