Ադրբեջանի ցանկությունն է ներկայացնել, թե Հայաստանը դուրս է եկել բանակցություններից, այսօր ԱԺ- կառավարության հարցուպատասխանի ժամանակ հայտարարել է ՀՀ ԱԳ նախարար Էդվարդ Նալբանդյանը։
«Հայաստանը չէ, որ հրաժարվել է հանդիպումներից։ Եթե ինչ որ հանդիպումներ բարձր մակարդակով չեն կայացել, ապա դա Հայաստանի մեղքով չէ, որ եղել է»,- խորհրդարանի ամբիոնից հայտարարել է արտաքին քաղաքական գերատեսչության ղեկավարը, նաեւ ներկայացնելով, թե ինչպես Վիեննայում, ի պատասխան Հայաստանի հարցադրման, պաշտոնական Բաքուն հայտարարել է, որ 1994 թ հրադադարը չեղարկելու մասին ՄԱԿ- ում տարածած հայտարարությունը եղել է այս կազմակերպությունում Ադրբեջանի դեսպանի ինքնագործունեության արդյունք։
