տեղադրվել է ժամը 14։07- ին լրացվել է ժամը 18։47- ին
«Համանախագահների առաջարկը հայկական կողմի երազանքը չի եղել, բայց հիմքում ընկած է փոխզիջումային տարերակ», — այսօր կառավարության նիստից հետո լրագրողների հետ զրույցում հայտարարել է արտաքին գործերի նախարարի տեղակալ Շավարշ Քոչարյանը: Փոխարտգործնախարարն այսօր անդրադարձել է նաև երկօրյա պաշտոնական այցով Երևան ժամանող ՌԴ արտաքին գործերի նախարար Սերգեյ Լավրովի այցին, նշել, որ քննարկվելու է հայ-ռուսական հարաբերություններին վերաբերող հարցերի լայն շրջանակ, «Հատկապես Ադրբեջանի վերջին ագրեսիայից հետո բնականաբար չի կարող շրջանցվել նաև ԼՂՀ հակամարտության իրավիճակը»,- ասել է փոխարտգործնախարարը։
Կառավարությունն այսօր որոշել է՝ ՀՀ-ից դուրս զինծառայողի բուժման, կեցության և ճանապարհածախսի գումարն այսուհետ կվճարի կառավարությունը: Հիշեցնենք, որ կառավարության նախորդ նիստում ապրիլյան քառօրյա պատերազմի հետևանքով զոհվածների ընտանիքներին հասցեական աջակցություն ցուցաբերելու հանձնարարություն էր ստացել էկոնբոմիկայի նախարար Արծվիկ Մինասյանը: Ռադիոլուրն այսօր էկոնոմիկայի նախարարից պարզել է, թե որ փուլում է կառավարության ղեկավարի հանձնարարությունը։
