Ուկրաինայի վարչապետ Արսենի Յացենյուկը երեկ հայտարարել է, որ հրաժարական է տալիս պաշտոնից։
«Ես որոշում եմ կայացրել ցած դնել վարչապետի իմ պաշտոնը։ Երեքշաբթի՝ ապրիլի 12-ին, այդ որոշումը կմտցվի Գերագույն ռադա։ Ես իմ առաջ դրած խնդիրները տեսնում եմ ավելի լայն, քան վարչապետի պաշտոնն է»,- ասել է նա։
Նա հայտարարել է, որ երկրում քաղաքական ճգնաժամն արհեստականորեն է առաջացել, «մեկ մարդու փոխելու ցանկությունը կուրացրել է քաղաքական գործիչներին»։ Սակայն Յացենյուկը չի նշել, թե որ քաղաքական գործիչներին ի նկատի ունի, գրում է Украинская правда-ն։
Յացենյուկը կոչ է արել հնարավորինս արագ նոր կառավարություն ընտրել։
