Լուսինե Ավանեսյան
«Ռադիոլուր»- Ստեփանակերտ
Վերջին գործողությունները ցույց տվեցին, որ Ղարաբաղյան խնդիրը ռազմական լուծում չունի, եւ ավելին՝ Ադրբեջանը չի կարող այն ռազմական ճանապարհով լուծել, այսօր հայտարարել է Հանրային խորհրդի նախագահ, Հայաստանի Հանրապետության առաջին վարչապետ, պաշտպանության նախկին նախարար Վազգեն Մանուկյանը։ Ստեփանակերտում, օպերատիվ իրազեկման կենտրոնում, տեղի ունեցած մամուլի ասուլիսում նա ստեղծված իրավիճակից դուրս գալու երեք առաջարկ է ներկայացրել,
Առաջին՝ կողմերը պետք է վերադառնան իրենց նախկին դիրքերին եւ շարունակեն բանակցությունները։
Երկրորդ՝ Մինսկի խումբը պետք է արբանյակային դիտարկում կատարի՝ պարզելու համար, թե ով է խախտում զինադադարը։
Երրորդ՝ միջազգային հանրությունը պետք է ճանաչի Լեռնային Ղարաբաղի անկախությունը եւ սկսվեն բանակցություններ տարածքների եւ փախստականների խնդրի լուծման շուրջ։
Նախկին վարչապետն անդրադառնալով ստեղծված իրավիճակում Անկարայի ազդեցությանը՝ նշել է, որ Էրդողանի Թուրքիան նոր լարվածություն է սկսում տարածաշրջանում, իր առաջ նոր խնդիրներ է դնում, ունի նոր հավակնություններ, ինչը շատ վտանգավոր իրավիճակ է ստեղծում։
Վազգեն Մանուկյանը՝ Թուրքիայի դերակատարության մասին
