Նախորդ երկու օրերին Կենտրոնական կլինիկական զինվորական հոսպիտալ տեղափոխված վիրավորների առողջական վիճակի մասին «Ռադիոլուր»-ը տեղեկացել է հոսպիտալի փոխտնօրեն Արտաշես Խաչատրյանից: Նա վիրավորների առողջական վիճակը դինամիկ կայուն է բնութագրել:
«Վիճակները կայուն են, ում անհրաժեշտ է եղել վիրահատել ենք, ստաբիլ են, դրական դինամիկայով: Վերակենդանացման բաժանմունքում չորս հիվանդ է պառկած, վեցը տեղափոխվել են հիվանդասենյակ: Վերակենդանացման բաժանմունքում գտնվող չորս հիվանդներից առավել ծանր գնահատվում է մեկի վիճակը»:
