Ռուսաստանը և ԱՄՆ-ը համատեղ աշխատում են միջազգային մեխանիզմների շրջանակներում` մասնավորապես Լեռնային Ղարաբաղի խնդրի կարգավորման համար։ Հինգշաբթի ճեպազրույցի ժամանակ Ռուսաստանի ԱԳ նախարարության պաշտոնական ներկայացուցիչ Մարիա Զախարովան հայտարարել է, որ հակամարտության խնդրում Մոսկվայի և Վաշինգտոնի մոտեցումները բոլոր հարցերում չէ որ նույնն են կամ համընկնում են:
«Այդուհանդերձ մենք փնտրում ենք լուծում և դրա համար գործի ենք դնում դիվանագիտությունը, ինչը հնարավորություն է տալիս տարբեր տեսակետները մոտեցնել»,- ասել է Մարիա Զախարովան:
