Հայերը և հույներն ունեն ընդհանուր անցյալ՝ միասնաբար պայքարելով թուրքական լծի դեմ, ունեն միասնական ներկա, Երևանի Վ. Բրյուսովի անվան պետական լեզվահասարակագիտական համալսարանում «Հայ և հույն ազգերի հազարամյա եղբայրական բարեկամությունը» խորագրով միջոցառմանը այսօր հայտարարել է ՀՀ Ազգային ժողովի փոխնախագահ Էդուարդ Շարմազանովը՝ հիշեցնելով, որ հայերը Հունաստանի անկախության պայքարում մեծ ներդրում են ունեցել, իրենց հերթին՝ Հայաստանի շատ հույներ մասնակից են եղել արցախյան պատերազմին:
Հունական պարերը ամենալավը մեր կենտրոնում են սովորեցնում, քանի որ պարուսույցը կիսով չափ հույն է ու շատ լավ գիտի հունական պարերի նրբությունները, «Ռադիոլուրին» ասում է Երեւանում հունական համայնքի ղեկավար Ֆրոնտիկ Նիկոլայիդիին: Զրուցակիցս նշում է, որ այս օրերին նայել է բոլոր լուրերը, որոնք անդրադառնում էին Հունասատանի և Հայաստանի նախագահների հանդիպմանը: Շատ եմ ոգևորվել, որ հայ- հունական բարեկամությունը նոր թափ է ստանում՝ ասում է: Ֆրոնտիկ Նիկոլայիդիին չ ի կարող հասկանալ՝ Հայաստա՞նն է իրեն հոգեհարազատ, թե՞ Հունասատանը: Բայց թաքուն ժպտալով ասում է՝ կշեռքի նժարի ծանրությունը մի փոքր Հայաստանի կողմում է։
Մարինե Մխիթարյանը տարիներ շարունակ լուսանկարների օգնությամբ ներկայացրել է հայ- հունական բարեկամության վկայությունները։ Շրջել է Հայաստանի այն համայնքներում, որտեղ ապրում են հույները, գրի առել նրանց պատմությունները։ «Ռադիլուրին» պատմում է, որ իր համար դժվարանում է նախաատվությունը տալ հայկական կամ հունական սովորույթներին։ Գրեթե ամեն տարի այցելում է Հունաստան, իսկ Երևանում, երբ կարոտում է Հունաստանը, այցելում է հունական ռեստորան՝ զգալու հելլենական շունչը:
Ես 100 տոկոս հույն եմ ու 100 տոկոս հայ, սա էլ ԱԺ փոխնախագահ Էդուարդ Շարմազանովի զգացողությունն է։ «Ռադիլուրի» հետ զրույցում ընդգծում է՝ իր ընտանքում գերիշխում են քրիստոնեական սովորույթները , քանի որ հայերն ու հույները քրիստոնյա ժողովուրդ են։
«Հայերի և հույների ընդհանությունները շատ են, անգամ նրանց պայքարի ձևերն են նույնը՝ ﬕասնաբար պայքարել են թուրքական լծից ազատագրվելու համար»,- «Հայ և հույն ազգերի հազարամյա եղբայրական բարեկամությունը» խորագրով ﬕջոցառման ժամանակ շեշտում է Շարմազանովը:
Հայերի և հույների ընդհանությունները շատ են, անգամ նրանց պայքարի ձևերն են նույնը՝ ﬕասնաբար պայքարել են թուրքական լծից ազատագրվելու համար՝ «Հայ և հույն ազգերի հազարամյա եղբայրական բարեկամությունը» խորագրով ﬕջոցառման ժամանակ շեշտում է Շարմազանովը: «Ճիշտ է, թուրքերը տվայտվում են, որ Հայաստանը և Հունաստանը միասնաբար են աշխատում, պայքարում, բայց այդ պայքարը թուրքերի դեմ չէ։ Եթե իրենք պայքարում են հայերի և հույների դեմ, ապա մենք չենք պայքարում որևէ մեկի դեմ։ Թող չխառնվեն, մենք այդքան մանր չենք, որ իրենց դեմ պայքարենք: Մերը հանունի պայքար է՝ հանուն մեր ժողովուրդների, հանուն մեր եղբայրության և մեր երկու պետությունների, որպեսզի Հայաստանը և Հունաստանը, ինչպես նաեւ Կիպրոսի և Լեռնային Ղարաբաղի հանրապետությունները մշտապես լինեն անկախ և ազատ»,- ասում է Շարմազանովը։
Պատմությունն ապացուցում է, որ հայերն ու հույները իրար կողքի են եղել, պայքարել են ընդհանուր թշնամու դեմ, ինչն ամրապնդել է երկու ժողովուրդների ﬕջև կապը, իր հերթին ավելացնում է ՀՀ-ում Հունաստանի Հանրապետության արտակարգ և լիազոր դեսպան Իոաննիս Տայիսը:
Մարտի 25-ը Հունաստանի կարևոր տոներից է: 1821-ի այդ օրը Հունաստանն ազդարարեց Օսմանյան կայսրությունից իր անկախությունը։
