«Սումգայիթի ճանաչման և դատապարտման փաստը կարող է դառնալ արցախյան խնդրի լուծաման բանալին, որովհետև սումգայիթներ իրականացրած պետությունն Արցախի և որևէ այլ պետության հանդեպ հավակնություններ ունենալ չի կարող ՝ ոչ իրավական տեսանկյունից, ոչ ՝ բարոյական»,- տեսակետի հեղինակը Սումգայիթի զոհերի հարազատների վստահված անձ, հրապարակախոս Հրայր Ուլուբաբյանն է: «Սումգայիթն իրականացվեց մոսկովյան բարձրագույն իշխանության համաձայնությամբ և մասնակցությամբ», սույն տեսակետի հեղինակն էլ «Շուշի» բարեգործական հիմնադրամի նախագահ Բակուր Կարապետյանն է: Ոճրագործությունից 28 տարի անց. Տեսակետներ, փաստեր, հանելուկներ՝ «Ռադիոլուրի» թեմատիկ անդրադարձում:
