Հարիսայի հյուրասիրություն՝ Թբիլիսիիում: Արդեն մի քանի տարի է` Վիրահայոց թեմի և «Հայարտուն» կենտրոնի աջակցությամբ Վրաստանի հայ կանանց «Շուշանիկ» միությունը Բուն Բարեկենդանի տոնը նշանավորում է հայկական հարիսա ճաշատեսակի փառատոնով: Նպատակը ոգեշնչել հայ տանտիկիններին` մոռացության չտալ հայկական ավանդական այս ճաշատեսակը: Վիրահայ կանանց շրջանում արդեն մեծ տարածում ստացած հարիսան այս տարի եւս իր շուրջն էր հավաքել ոչ միայն հայ համայնքի, այլև այլ ազգերի ներկայացուցիչներին:
