«Հայաստանի տնտեվարողների համար էական է իրենց արտադրանքի մրցունակությունը չխաթարող էներգակիրների գինը և մենք շահագրգռված ենք, որ հանրապետության էական ենթակառուցվածք հանդիսացող, «Գազպրոմ Արմենիա» ընկերությունը լինի կայուն և խելամտորեն շահութաբեր»,- այս մասին կառավարության այսօրվա նիստում հայտարարել է ՀՀ վարչապետ Հովիկ Աբրահամյանը:
Ըստ վարչապետի, տնտեսության և բնակչության համար ևս գները պետք է լինեն մատչելի և շահավետ:
«Գազի սպառման ծավալների նվազումը ակնհայտորեն վկայում է, որ ընկերությունը կարող է ունենալ ավելի մեծ հասույթներ ավելի ցածր գների դեպքում: Կարծում եմ, որ «Գազպրոմ Արմենիա» ընկերության ղեկավարությունը մեծ անելիք ունի այս բիզնես տրամաբանությունը հանրությանը և իր վերադասին ներկայացնելու գործում, ինչի արդյունքում թե՛ ընկերության, թե՛ ՌԴ-ի համար հստակ կդառանա մեր բանակցային առաջարկի փոխշահավետ բնույթը: Կարծում եմ, որ աշխարհաքաղաքական զարգացումներով պայմանավորված՝ակնհայտ է գազի գնի իջեցման ոչ միայն անհրաժեշտությունը, այլև հնարավորությունը»:
Հիշեցնենք, որ Հայաստանի կառավարությունը դիմել է՝ ՌԴ-ի կառավարությանն՝ առաջարկելով նվազեցնել Հայաստանին մատակարարվող գազի գինը: Ի դեպ, 1000 խորանարդ մետր գազն այժմ գնվում 165 դոլարով:
