Ինչպես նախորդ տարիներին, այս տարի ևս, շտապօգնությունը տոն օրերին աշխատել է լարված գրաֆիկով: Անցյալ տարվա նույն ժամանակահանտվածի հետ համեմատ այս տարի Ամանորի օրերին շտապգնության կանչերի թիվը, ըստ Շտապօգնության տնօրեն Թագուհի Ստեփանյանի, աճել է՝ պայմանավորված սուր շնչառական վարակների դեպքերով: Սակայն շտապօգնության կանչերի թիվն աճել է ոչ միայն տոնական օրերին, այլև ամոբղջ տարվա ընթացքում: 2014 թվականի հետ համեմատ նախորդ տարի կանչերի քանակը կազմել է 238.216, որն աճել է 11.827-ով: Իսկ հիմնական բողոքներն էլ սիրտանոթային, սուր շնչառական հիվանդություններն ու վնասվածքներն են եղել:
Ամանորի օրերին շտապօգնությունն աշխատել է լարված: Այս տարի շտապօգնության կանչերի թիվը, ըստ Շտապօգնության տնօրեն Թագուհի Ստեփանյանի, նախորդ տարվա նույն ժամանակահատվածի հետ համեմատ, աճել է: Հունվարի մեկից մինչև 10-ն ընկած ժամանակահատվածում շտապօգնությունը գրանցել է 9611 կանչ, որն էլ 830 կանչով ավել է նախորդ տարվա նույն ժամանակահատվածի ցուցանիշից: Իսկ նրանցից հոսպիտալացվել է 1567-ը: Առավելագույն կանչերը գրանցվել են հունվարի 7-ին՝ 956 կանչ: Ըստ Թագուհի Ստեփանյանի՝ միայն այսօր է նվազել կանչերի թիվը: Մեկ օրվա ընթացքում գրանցել են 877 կանչ: Սուր շնչառական հիվանդությամբ գրանցվել է 1659 կանչ մեծահասակների շրջանում, որոնցից հոսպիտալացվել է 10-ը:
Շտապօգնությունը սպսարկել է նաև 699 կանչ՝ մանուկների շրջանում, որոնցից հիվանդանոց է տեղափոխվել 104-ը: Իսկ այն, որ հիվանդանոցները գերծանրաբեռնված են և չեն ընդունում հիվանդներ, Թագուհի Ստեփանյանը, հերքեց և նշեց, որ հիվանդանոցների ծանրաբեռնվածությունը կապված է քաղաքացիների նախասիրությունների հետ:
Բնականաբար, եղել են նաև դժգոհություններ շտապօգնության ուշ արձագանքման և բնակչի տուն ժամանակին հասնելու հետ կապված: Սակայն շտապօգնության տնօրենը նշեց, որ օրական սպասարկել են 900-ից ավելի կանչ, և այդ պայմաններում չուշանալ հնարավոր չէր:
«Հիվանդներին, ըստ վիճակի, զգուշացնում ենք, եթե հրատապ չէ շտապօգնությունը մի փոքր կուշանա, բժիշկները հեռախոսով տալիս էին խորհուրդներ, մինչև մեքենայի հասնելը: Եվ առաջնային սպասարկել ենք այն կանչերը, երբ խնդիր է եղել հիվանդի կյանքի հետ կապված և մանուկներին»:
Տոնական օրերին, չեն եղել դեպքեր, երբ շտապօգնության ուշացումը դարձել է ճակատագրական: Ինչպես նախորդ տարիներին, այս տարի ևս սննդային թունավորման դեպքերը քիչ են եղել: Տոնական օրերին գրանցվել է սննդային թունավորման երկու դեպք, իսկ ալկոհոլից թունավորման դեպքերը 64 են եղել, որոնցից էլ հիվանդանոց է տեղափոխվել 20-ը:
