Հասարակություն

Ստեփանյանների Ձմեռ պապն այս տարի վարչապետն էր (լուսանկարներ)

arminegevorgyan

Դեռևս օրեր առաջ  գյումրեցի  բազմազավակ այրի, զինվորի մայր  Իրինա Ստեփանյանը Բաց նամակ էր ուղղել ՀՀ վարչապետ Հովիկ Աբրահամյանին  ՝բարձրաձայնելով իր խնդիրների մասին ,այն որ  7 հոգանոց ընտանիքը  ապրում է  տնակային պայմաններում:  Նյութի թողարկումից ընդամենը երկու օր անց եղավ վարչապետ Հովիկ Աբրահամյանի արձագանքը: Տասներկու հազար դոլար արժողությամբ երկհարկանի քոթեջը կառուցվել էր երկրաշարժից հետո՝ լատվիական կամավորների ջանքերով,  գյուղի համանուն թաղամասում:  Առանձնատունն ունի նաև տնամերձ հողամաս և անասնագոմ: Ստեփանյանեների  ուրախությանը   մասնակից  է եղել նաեւ «Ռադիոլուրը»։

 

10- ամյա Տիգրանի աչքերը փայլւմ են ուրախությունից: Նոր տան բանալիները չի ցանկանում ձեռքից բաց թողնել: Նա արդեն մի քանի անգամ պտտվում է սենյակներով ու որոշում, որ պատշգամբի կողքի ննջասենյակում ինքն է քնելու՝ այլևս ստիպված չի լինելու տատիկի հետ նույն մահճակալին պառկել:

Օրեր առաջ կայքերից մեկը հրապարակել էր հինգ զավակների մայր Իրինա Ստեփանյանի բաց նամակը՝ Հայաստանի վարչապետ Հովիկ Աբրահամյանին, որտեղ տիկին Իրինան ներկայացրել էր իր սոցիալ տնտեսական ծանր իրավիճակը:

Ամուսինու մահից հետո՝ 2012թ.-  ին, Իրինան միայնակ է մեծացնում է հինգ երեխաներին, ունի առողջական խնդիրներ և ապրում է ոչ բավարար տնային պայմաններում: 7 հոգանոց ընտանիքը ապրում է Շիրակի մարզի Վահրամաբերդ համայնքի կիսաքանդ մի տնակում: Նամակը հրապարկվելուց հետո մեկ օր անց այն արձագանք է ստանում: Իսկ այսօր արդեն տիկին Իրինան բացում իր նոր տան դռները:

Տիկին Իրինայի հետ մենք գնում ենք նաև այն բնակարանը որտեղ ապրում են 2000 թվականից: Ընդամենը երկուն կիսախախուլ սենյակներ: Տանը անհամբերությամբ սպասում էին Իրինայի մյուս երեխաները և մեծահասակ մայրը:

Նշենք,որ նոր  բնակարանը գտնվում է Վահարամաբերդ գյուղի  լատվիական թաղամասում: Տունը ունի  նաև 1200 մետր հողատարածք և անասնագոմ: Ամանորյա տոներից հետո Ստեփանյանների ընտանիքը կտեղափոխվի արդեն նոր բնակարան ,քանի որ բնակարանը ունի կոսմետիկ վերանորոգման անհրաժեշտություն:  Այդ  խնդիրն էլ խոստացել է լուծել Գյումրու քաղաքապետ Սամվել Բալասանյանը։

 

Back to top button